Raniej stała viadoma, jakija impartazamiaščalnyja prajekty buduć realizavanyja za košt kredytnych resursaŭ Rasii i chto atrymaje hrošy.
Pieršy ź ich — vytvorčaść śvietłavoha abstalavańnia dla aŭtamabilnaj techniki. Prajekt budzie realizavany ŭ Rudziensku na bazie adnaho z pradpryjemstvaŭ. Tam budzie vypuskacca śviatłodyjodnaja optyka dla ŭsich vidaŭ transpartnych srodkaŭ.
Druhi prajekt — stvareńnie tarmaznych sistem.
Treci — kolcaraskatnaja vytvorčaść, jakaja patrebnaja dla aŭtaprama. Jaho budzie realizoŭvać BiełAZ na bazie adnaho z pradpryjemstvaŭ u Aršanskim rajonie.
«Jość ceły puł prajektaŭ, jaki płanujecca realizavać na bazie «Amkadora», piša BIEŁTA.
Taksama abmiarkoŭvajecca tema ŭpakoŭki dla małaka i nieabchodnaść ułasnaj vytvorčaści anałaha tetrapaka.
Učora stała viadoma, što Biełaruś atrymaje takuju ž sumu ad Jeŭrazijskaha banka raźvićcia «pad kankretnyja prahramy».
