Adna z akcyj u padtrymku demakratyčnaj Biełarusi ŭ Kišyniovie. Fota: noi.md
Metaj stvareńnia hrupy nazyvajecca pahłybleńnie dyjałohu pamiž parłamientam Małdovy i demakratyčnym rucham Biełarusi. Taksama parłamientaryi Małdovy «paćvierdzili svaju prychilnaść da prasoŭvańnia demakratyčnych kaštoŭnaściaŭ i abarony asnoŭnych pravoŭ i svabodaŭ čałavieka». Raniej padobnyja hrupy padtrymki źjavilisia ŭ parłamientach Łatvii, Estonii, Ukrainy.
Na pasiadžeńni parłamienta Małdovy prysutničaŭ Anatol Labiedźka, pradstaŭnik Śviatłany Cichanoŭskaj pa kanstytucyjnaj reformie i supracoŭnictvie z parłamientskaj supolnaściu.
Apazicyja ŭ parłamiencie Małdovy (kamunisty i sacyjalisty) u hałasavańni pa stvareńni hrupy nie ŭdzielničali, «kab nie sapsavać adnosiny ź Biełaruśsiu». Ale jana była ŭ mienšaści, tamu nie zmahła nijak paŭpłyvać na rašeńnie.
Usiaho ŭ składzie parłamient Małdovy — 101 deputat, ź ich 63 ciapier naležać da frakcyi «Dziejańnie i salidarnaść».
