Fota: TASS
Jak piša ahienctva Reuters sa spasyłkaj na čatyry krynicy, znajomyja z zapytam, u pieradadzienym Indyi śpisie — kala 500 pazicyj.
Ahienctva ŭdakładniaje, što hety śpis — papiaredni, i nie zrazumieła, što ź jaho budzie adpraŭlena ŭ Rasiju i ŭ jakoj kolkaści, ale krynica Reuters va ŭradzie Indyi zajaviła, što sam śpis vielmi niezvyčajny pa svaim maštabie.
Reuters adznačaje, što śpis składajecca z 14 staronak. Rasija zapytvaje kala 200 najmieńniaŭ vyrabaŭ u halinie mietałurhii i mnostva kampanientaŭ dla aŭtamabilnaj i avijacyjnaj halin: poršni, alejnyja pompy i špulki zapalvańnia, bampiery, ramiani biaśpieki, kampanienty šasi, paliŭnyja sistemy, sistemy suviazi i pažaratušeńnia, vyratavalnyja kamizelki i avijacyjnyja šyny.
Taksama ŭ śpisie zhadvajecca syravina dla vytvorčaści papiery i spažyvieckaj tary, a taksama materyjały i abstalavańnie dla vytvorčaści tekstylu, u tym liku tkanina i farbavalniki.
Indyja imkniecca naraścić handal z Rasijaj, ale niekatoryja kampanii aścierahajucca, što praz heta mohuć patrapić pad zachodnija sankcyi.
Sam zapyt Maskvy byŭ zrobleny za niekalki tydniaŭ da vizitu kiraŭnika indyjskaha MZS u Rasiju ŭ pačatku listapada. Padčas vizitu havaryłasia pra nieabchodnaść pavialičyć dvuchbakovy handal pamiž krainami, udakładniaje ahienctva.
