Fota adździeła zamiežnych suviaziaŭ maskoŭskaj Patryjarchii
Biłbord z vyjavaj kiraŭnika Rasijskaj Pravasłaŭnaj Carkvy (RPC) zamazali farbaj. Łukašenkaŭcy pravodziać dopyty i pieratrusy, kab vyjavić, chto heta zrabiŭ.
Patryjarch Kirył — kiraŭnik Carkvy, jakaja pieratvaryłasia ŭ pryvadny remień kirujučych režymaŭ u Rasii i Biełarusi. RPC vykarystoŭvajecca taksama dla stvareńnia ideałahičnaha abhruntavańnia zachopnickaj vajny va Ukrainie.
76-hadovy patryjarch Kirył (Uładzimir Hundziajeŭ) byŭ u časy SSSR ahientam KDB ź psieŭdanimam «Michajłaŭ». U 2009 hodzie, u časy kiravańnia Uładzimira Pucina, Uładzimir Hundziajeŭ staŭ patryjarcham. Jaho vyłučaje luboŭ da raskošy: padčas pajezdki va Ukrainu na ruce ŭ jaho zaŭvažyli hadzińnik Breguet za 30 tysiač dalaraŭ. Kali heta vyklikała krytyku, pres-słužba patryjarchii abvierhła fakt našeńnia im niepatrebna darahoha hadzińnika, vycierła jaho na ruce fotašopam, ale zabyła ścierci adlustravańnie hadzińnika na stalnicy.
Biełaruskaja Pravasłaŭnaja Carkva padparadkoŭvajecca Maskoŭskamu patryjarchatu, jaki pryznačaje kiraŭnika BPC.
