Fota ilustracyjnaje
Pa źviestkach viedamstva, zvanok ad žychara vioski Tarasaŭka pastupiŭ u subotu kala 19 hadzin. Mužčyna paviedamiŭ, što ŭ nasielenym punkcie źjaviŭsia dziki voŭk. Žyviolina pavodziła siabie dziŭna, biehała pa padvorkach i napadała na chatnich žyvioł.
Na miesca nakiravalisia milicyjanty. Jany znajšli drapiežnika prosta na darozie i pasprabavali prahnać jaho, adnak niaŭdała.
Pavodziny vaŭka schilali da dumki, što ŭ jaho šalenstva. Žyviolina ahryzałasia, sprabavała napaści na słužbovy aŭtamabil, a ŭ vyniku ŭciakła ŭ adzin z pryvatnych padvorkaŭ. Tam vaŭka ŭdałosia zahnać u chleŭ. Pry hetym, jak raspaviali va UUS, adnaho mužčynu «canoj žyćcia abaraniŭ miascovy dvarniak».
U vyniku supracoŭniki RAUS adkryli ahoń z tabielnaj zbroi i abiasškodzili žyviołu. Adznačajecca, što ludzi ŭ vyniku zdareńnia nie paciarpieli.
