Fota: sejm.gov.pl
U rezalucyi skazana, što takoje rašeńnie pryniata na padstavie taho, što Rasija sistematyčna parušaje pravy čałavieka, mižnarodnaje prava, Statut AAN, a taksama šerah inšych abaviazacielstvaŭ.
Asobna ŭ dakumiencie adznačajucca nastupstvy rasijskaha ŭvarvańnia va Ukrainu.
U pryvatnaści, siejm Polščy abvinavaciŭ Rasiju ŭ anieksii terytoryj Ukrainy, masavaj hibieli mirnych žycharoŭ, napadach na cyvilnuju infrastrukturu i vajennych złačynstvach, jakija ździajśniajucca rasijskimi vajskoŭcami, uklučajučy pakarańni, katavańni, vykradańni, seksualizavany hvałt, maradziorstva i prymusovuju departacyju mirnych žycharoŭ Ukrainy.
Rasii stavicca ŭ vinu charčovy i jadzierny šantaž. Akramia hetaha, siejm Polščy pryznaŭ Rasiju krainaj, jakaja niasie adkaznaść za avijakatastrofu 2014 hoda, kali nad terytoryjaj Ukrainy źbili małazijski Boinh.
Taksama polskija deputaty pryznali Rasiju vinavataj u katastrofie prezidenckaha avijałajniera ŭ Smalensku ŭ 2010 hodzie, u vyniku jakoha zahinuŭ prezident Polščy Lech Kačyński.