Pa jaho infarmacyi, pres-kanfierencyja rychtavałasia, a admianiŭ jaje asabista Pucin «ŭ samy apošni momant».
U paniadziełak pradstaŭnik Kramla Dźmitryj Piaskoŭ abviaściŭ, što vialikaja pres-kanfierencyja Pucina nie adbudziecca.
U Kramli aścierahalisia, što Kijeŭ moža zładzić bujnuju ataku napiaredadni mierapryjemstva, havorycca ŭ artykule Moscow Times.
«Nichto nie moža dać stoadsotkavuju harantyju «taho, što takoha napadu nie adbudziecca», — zajaviŭ Moscow Times adzin z kramloŭskich čynoŭnikaŭ na ŭmovach ananimnaści. — Prezident viedaŭ pra heta, i heta byŭ mocny arhumient suprać praviadzieńnia pres-kanfierencyi».
Akramia adstupleńnia z Chiersona Rasija apošnim časam pieražyła vybuchi na aeradromach stratehičnaj avijacyi ŭ hłybini krainy, nahadvaje vydańnie. Rašeńnie prapuścić pres-kanfierencyju aŭtar nazyvaje redkaj prykmietaj taho, što padziei na poli boju napramuju ŭpłyvajuć na pryniaćcie palityčnych rašeńniaŭ u Maskvie.
U svaim błohu aŭtar artykuła padkreślivaje, što administracyja prezidenta, urad i refierentura da apošniaha momantu rychtavalisia da taho, što pres-kanfierencyja adbudziecca, a rašeńnie admovicca ad vialikaj pres-kanfierencyi i pasłańnia Fiederalnamu schodu było pryniata ŭ apošni momant asabista Pucinym.
«Apošniaj kroplaj dla prezidenta stała adsutnaść žaleznych harantyj i ŭpeŭnienaści ŭ tym, što śpiecsłužby buduć zdolnyja spynić lubyja sproby novych dyviersij choć by da taho, jak adbudziecca pres-kanfierencyja», — śćviardžaje Kazłoŭ.
Takija vysnovy robiać analityki amierykanskaha Instytuta vyvučeńnia vajny (ISW). Pucin admianiŭ svaju štohadovuju pres-kanfierencyju, vierahodna, kab paźbiehnuć adkazaŭ na pytańni ab vajennych niaŭdačach Rasii va Ukrainie i nie źviartacca da praźmierna vidavočnaha manipulavańnia pytańniami, havorycca ŭ štodzionnym ahladzie ISW.
