16 kastryčnika ŭ Polščy adznačajecca dziaržaŭnaje śviata — Dzień Jana Paŭła II.
Rašeńnie ab źjaŭleńni takoha śviata było pryniata polskim Siejmam praź niekalki miesiacaŭ paśla śmierci Jana Paŭła ŭ krasaviku 2005 hoda. U pastanovie Siejma havaryłasia, što śviata ŭstanaŭlivajecca «u honar najbolšaha aŭtaryteta XX st., čałavieka, jaki, źviartajučysia da krynic chryścijanstva, vučyŭ nas salidarnaści, advazie i pakory». Z 343 pasłoŭ Siejma tolki try čałavieki prahałasavali suprać pryniaćcia pastanovy.
16 kastryčnika 1978 hoda arcybiskup krakaŭski Jan Karal Vajtyła staŭ papam Janam Paŭłam II. Niehledziačy na ahramadnuju papularnaść asoby Jana Paŭła II u Polščy, hetaje dziaržaŭnaje śviata nie źjaŭlajecca vychodnym dniom.
Dni ŭspaminu Jana Paŭła II projduć u minskim Čyrvonym kaściole.
16 kastryčnika paśla śviatoj eŭcharystyi (pačatak a 19.00) adbudziecca kancert i viečar paezii, pryśviečany Janu Paŭłu II.
17 kastryčnika paśla śviatoj liturhii (pačatak a 20.30) zapłanavany dabračynny kancert «Čystaje serca», padčas jakoha vystupiać Alaksandr Patlis (Biełaruś), Deni Płet (Hiermanija) i salist biełaruskaj opiery Ilja Silčukoŭ. Paśla kancerta na vychadzie sa śviatyni možna budzie skłaści achviaravańni, jakija płanujecca vykarystać na dabračynnyja spravy.
Niadzielnaja śviataja imša 19 kastryčnika (pačatak u 13.00) stanie zaviaršeńniem dzion uspaminu Jana Paŭła II.
