Jana stała nie tolki pieršym pakaranym transhiendaram, ale i pieršaj pryhavoranaj da pakarańnia ŭ hetym hodzie.
Makłoklin była pryznanaja vinavataj u zabojstvie siabroŭki ŭ 2003 hodzie ŭ Sent-Łuisie. Tady, jašče budučy mužčynam, jana zhvałtavała i zarezała byłuju partniorku Bievierli Hiunter.
Prysiažnyja pryznali jaje vinu, ale nie zmahli ŭzhadnić mieru pakarańnia, tamu śmiarotny prysud vynies sudździa.
(U bolšaści štataŭ ZŠA sa śmiarotnym pakarańniem patrabujecca, kab prysiažnyja adnahałosna prahałasavali za vyniasieńnie śmiarotnaha pakarańnia, ale ŭ Misury hetaha praviła niama).
Rašeńnie sudździ vyklikała sprečki ŭ ZŠA. Advakaty Makłoklin nastojvali na zamienie śmiarotnaha pakarańnia pažyćciovym turemnym źniavoleńniem, spasyłajučysia na toje, što śmiarotny prysud byŭ vyniesieny sudździoj i nie adlustroŭvaŭ mierkavańnia prysiažnych.
Advakaty spasyłalisia na ciažkaje dziacinstva asudžanaj (u dziacinstvie jaje katavaŭ baćka elektrašokieram i dubinkaj) i na jaje psichičny razład. Suprać pakarańnia Makłoklin vystupili taksama dva kanhresmieny.
https://dcsfxzu8xls6u.cloudfront.net/ru/306837