Foto: Aizsardzības ministrija
Pryzyvu ŭ Słužbu nacyjanalnaj abarony padlahajuć mužčyny i žančyny ad 18 da 27 hadoŭ na termin 11 miesiacaŭ. Isnuje mahčymaść prajści cyvilnuju abo alternatyŭnuju słužbu.
Kali hramadzianin Łatvii atrymlivaje adukacyju na momant pryzyvu, jon pavinien budzie adsłužyć na praciahu hoda paśla zakančeńnia navučalnaj ustanovy. Ludzi, jakija žyvuć za miažoj i jakija paviedamili svoj adras u mihracyjnaje ŭpraŭleńnie, ad pryzyvu vyzvalajucca.
Taksama ad słužby vyzvalać pa stanie zdaroŭja, adzinokich baćkoŭ i apiekunoŭ, a taksama supracoŭnikaŭ MUS i Upraŭleńnia vykanańnia pakarańniaŭ. Uvodziacca roznyja adterminoŭki, naprykład, pa dohladzie za dziciem abo pa siamiejnych abstavinach. Nie padlahaje pryzyvu hramadzianin, jaki taksama maje hramadzianstva inšaj dziaržavy, kali jon užo prachodziŭ vajskovuju słužbu za miažoj. Taki čałaviek moža padać zajavu ab słužbie dobraachvotna.
Uchileńnie ad vajskovaj słužby praduhledžvaje kryminalnuju adkaznaść.
Sioleta budzie pryzvana 300 maładych ludziej, u studzieni 2024 — jašče 300. Jany buduć dobraachvotnikami. U dalejšym płanujecca rassyłać pozvy z dapamohaj kampjutarnaj prahramy, jakaja budzie adbirać vypadkovych ludziej praparcyjanalna kolkaści nasielnictva kožnaha łatvijskaha rehijona.
