Jak vyśvietliła ahienctva AFP, abvinavačańni ŭ dačynieńni da rasijskaj «dački» Auchan uklučajuć «podkup zamiežnaj słužbovaj asoby, podkup fizičnaj asobaj, saŭdzieł u hetych złačynstvach i ich utojvańnie».
«Rasśledavańnie nakiravana na vyśviatleńnie faktaŭ unutry rasijskaha filijała Auchan, ale jano nie nakiravana suprać Auchan, jaki zjaŭlajecca achviaraj u hetaj spravie i pakidaje za saboj prava padać hramadzianski pazoŭ», — pryvodzić AFP kamientar francuzskaj hrupy.
Vydańnie Challenges pakazvaje, što siarod tych, kaho zasłuchali ŭ jakaści śviedak, — dyrektar pa mižnarodnaj biaśpiecy i były dyrektar pa biaśpiecy rasijskaj filii.
Vydańnie cytuje słovy byłoha jurysta Auchan u Rasii Alaksieja Žarkova ab tym, što mieniedžary pa zakupkach rasijskaj «dački» Auchan ładzili padstaŭnyja tendary, štučna zavyšali zakupačnyja ceny i davali za hrošy lhoty ŭ papularyzacyi pradukcyi. Pavodle jaho śćviardžeńniaŭ, za košt karupcyjnych sietak u rasijskim Auchan «vypampoŭvali» «ad 80 da 100 młn jeŭra za hod, što adpaviadaje 2-3 pracentam ad abarotu sietki ŭ Rasii».
Auchan, jaki ažyćciaŭlaje bolš za 10 pracentaŭ svaich prodažaŭ u Rasii, — adna ź niamnohich francuzskich kampanij, jakija vyrašyli praciahnuć svaju dziejnaść u krainie paśla pačatku vajny va Ukrainie.
