Polskija pieravozčyki patrabujuć zabaranić ujezd u Polšču fur ź biełaruskaj i rasijskaj rehistracyjaj
Akcyju pratestu na polska-biełaruskaj miažy ładziać polskija transpartnyja kampanii, jakija z maja pačali anałahičnaje błakavańnie punktu propusku na polska-ŭkrainskaj miažy. Jany pratestujuć suprać zachopu biełaruskimi i rasijskimi kampanijami transpartnaha rynku na ŭschod. Pieravozčyki patrabujuć zabaranić ujezd u Polšču fur ź biełaruskaj i rasijskaj rehistracyjaj, prypynić pracu biełaruskich i rasijskich pradpryjemstvaŭ pad polskim prykryćciom i adnavić dazvoły dla transpartnych kampanij z Ukrainy.
Na 9 maja polskimi pieravozčykami anansavanaja błakiroŭka punkta propusku «Karoščyn», u napramku biełaruskaha punkta propusku «Kazłovičy» — adzinaha na biełaruska-polskaj miažy, praź jaki ciapier prajazdžajuć fury. Błakada terminała «Karoščyn» pačniecca ŭ 12:00 pa polskim časie, abo ŭ 13:00 pa biełaruskim. Čakajecca, što ŭ akcyi pratestu prymie ŭdzieł kala sotni hruzavikoŭ. Dazvoł na pratest la biełaruska-polskaj miažy vydadzieny da 9 červienia.
Punkt propusku «Karoščyn-Kazłovičy» — adziny punkt propusku dla hruzavoha transpartu na biełaruska-polskaj miažy. Paśla taho, jak Polšča prypyniła pracu punkta propusku «Babroŭniki-Bierastavica», biełaruskija ŭłady ŭviali patrabavańnie, kab polskija fury mahli pierasiakać miažu tolki na biełaruska-polskim učastku. Raniej jany mahli ŭjazdžać-vyjazdžać u Biełaruś taksama z boku Litvy i Łatvii.
Čytajcie taksama:
Čerhi na vyjezd u Jeŭrasajuz pavialičylisia na 20% — Pahrankamitet
Jak zakryćcio «Babroŭnikaŭ» i inšyja abmiežavańni paŭpłyvali na dastaŭku tavaraŭ
