Z nazvanaj kolkaści 39 abjektaŭ (amal 33% ad ahulnaha abjomu) budujuć kamunalnyja pradpryjemstvy stalicy i 76 abjektaŭ (67% ad ahulnaha abjomu) — kamiercyjnyja zabudoŭščyki, paviedamili ahienctvu «Minsk-Naviny» ŭ Kamitecie budaŭnictva i inviestycyj Minharvykankama.
Siarod kamiercyjnych zabudoŭščykaŭ najbujniejšym pa-raniejšamu zastajecca «Dana Astra» z prajektam «Minsk Śviet». Na dolu hetaj kampanii prypadaje 46% u ahulnym abjomie žyllovaha budaŭnictva Minska. Na siońnia inviestar uzvodzić bolš za 50 damoŭ na terytoryi byłoha aeraporta. Dziakujučy čamu Kastryčnicki rajon stalicy vychodzić u lidary pa maštabach ŭźviadzieńnia žylla, na jaho terytoryi rastuć 57 šmatpaviarchovak ahulnaj płoščaj bolš za 629 tys. kv. mietraŭ.
Druhoje miesca (20 damoŭ i bolš za 235 tys. kv. mietraŭ) zajmaje Maskoŭski rajon, na treciaj pazicyi — Leninski z 12 damami płoščaj bolš za 122 tys. kv. mietraŭ. Dalej pazicyi raźmiarkoŭvajucca tak: Centralny (9 damoŭ i bolš za 90 tys. kv. m), Frunzienski (6 vysotak i kala 58 tys. kvadrataŭ), u Zavodskim uzvodzicca taksama 6 šmatpaviarchovak, ale ich płošča pamienš, kala 47 tys. kvadrataŭ. Pieralik zamykajuć Partyzanski ź Pieršamajskim (pa 2 damy, ale płoščy roznyja) i Saviecki (1 šmatpaviarchovik).
Dla tych, chto staić u čarzie na žyllo, u stalicy ciapier uzvodzicca 29 žyłych damoŭ, a taksama ŭ składzie 22 abjektaŭ praduhledžany kvatery dla šmatdzietnych siemjaŭ.
Asnoŭnymi placoŭkami budaŭnictva žylla dla čarhavikoŭ stali mikrarajony Łošyca, Paŭnočny (Daŭhinaŭski trakt), terytoryi ŭ miežach vuł. Anharskaj — Mahnitnaj, Karvata — Hieałahičnaj, Łahojskaha trakta — vuł. Vałhahradskaj, vuł. Šaranhoviča — Hareckaha — Rafijeva, vuł. Vyhockaha.
Žvir, nu j kali vi apošni raz jechali pa Aeradromnaj,?