Šmatfunkcyjanalny kulturna‑spartyŭny kompleks «Minsk‑Arena» aficyjna adčynicca pry kancy studzienia. Dakładnaja data adkryćcia pakul nie ŭstanoŭlena,
ale vyznačana, što 30 studzienia na lodzie «Minsk‑Areny» adbudziecca matč zorak Kantynientalnaj chakiejnaj lihi.
Pra heta paviedamiŭ u niadzielu žurnalistam ministr sportu i turyzmu Biełarusi Aleh Kačan.
26 śniežnia trybuny novabudoŭli ŭpieršyniu pryniali 15 tys. hledačoŭ padčas vyprabavalnaha zapaŭnieńnia.
Aleh Kačan zaznačyŭ, što zaraz idzie praca nad kančatkovym daviadzieńniem usich sistem, praviarajecca funkcyjanavańnie tabło, śviatła, huku, kandycyjanieraŭ dy inšaha abstalavańnia.
«Minsk‑Arena» stanie najbujniejšym zakrytym stadyjonam Biełarusi, a pakul pieršynstvo naležyć «Babrujsk‑Arenie», trybuny jakoj mohuć źmiaścić 7 tys. hledačoŭ.
0
0
0
0
0
0
