Alexei Danichev, Sputnik, Kremlin Pool Photo via AP
Dźmitryj Piaskoŭ zaklikaŭ Paŭła Durava bolš uvažliva sačyć za telehramam, zajaviŭšy, što miesiendžar «usio bolš stanovicca instrumientam u rukach terarystaŭ». Pra heta pres-sakratar prezidenta Rasii skazaŭ u kamientary telehram-kanału Shot, adkazvajučy na pytańnie ab tym, ci płanujuć ułady Rasii zabłakavać telehram.
«Nie, nijakich płanaŭ takich [pa błakavańni] zaraz niama. Ale, biezumoŭna, my čakali b ad Paŭła Durava bolšaj uvahi.
Bo hety ŭnikalny i fienamienalny z technałahičnaha punktu hledžańnia resurs, jaki vyras na vačach u našaha pakaleńnia, jon usio bolš stanovicca instrumientam u rukach terarystaŭ, vykarystoŭvajecca ŭ metach terarystyčnych», — zajaviŭ Piaskoŭ.
27 sakavika ahienctva RIA Naviny napisała sa spasyłkaj na krynicu, što padazravanych u ździajśnieńni teraktu ŭ «Krokus Sici Chole» zavierbavali praz telehram-kanał, jaki naležyć afhanskamu kryłu «Isłamskaj dziaržavy» i pracuje na aŭdytoryju ŭ Tadžykistanie.
Čytajcie taksama:
Piaskoŭ zajaviŭ, što RF nie pacierpić pa susiedstvie krainu z «ahresiŭnymi pamknieńniami»
Piaskova spytali nakont katavańniaŭ zatrymanych za terakt u «Krokusie»
Dźmitryj Piaskoŭ: Heta pačynałasia jak śpiecyjalnaja vajennaja apieracyja, ale ŭžo stała vajnoj
