Donald Tusk. Fota: Omar Marques / Getty Images
Rasijskija i biełaruskija śpiecsłužby aktyvizavali sproby paŭpłyvać na chod padziej u Jeŭropie šlacham umiašańnia ŭ vybary ŭ Jeŭraparłamient. Pra heta zajaviŭ premjer-ministr Polščy Donald Tusk, piša Polskaje radyjo.
«Rasijskija słužby i biełaruskija słužby sprabujuć pa ŭsioj Jeŭropie, u tym liku i ŭ Polščy, usio bolš aktyŭna ŭpłyvać na chod padziej. I my heta viedajem, sihnały pastupajuć z usich jeŭrapiejskich stalic», — padkreśliŭ kiraŭnik polskaha ŭrada.
Pa słovach Donalda Tuska, budučyja vybary ŭ Jeŭrapiejski parłamient — adny z samych važnych vybaraŭ u paślavajennaj historyi Polščy.
«Nikoli jašče hetyja pytańni, jakija taksama buduć vyrašacca ŭ Jeŭraparłamiencie, va ŭsioj Jeŭropie, va ŭsich jeŭrapiejskich stalicach, nie byli tak važnyja i nikoli jašče jany nie akazvali takoha radykalnaha ŭpłyvu na naša paŭsiadzionnaje žyćcio, jak ciapier, u momant vajny, u momant pahroz, pra jakija Jeŭropa niekalki hadoŭ tamu navat nie dumała», — skazaŭ polski premjer.
Vybary ŭ Jeŭraparłamient projduć z 6 pa 9 červienia va ŭsich krainach Jeŭrapiejskaha Sajuza. U Polščy buduć abranyja 53 jeŭradeputaty.
Čytajcie taksama:
«Vypalim žalezam». Tusk paviedamiŭ, što napad na paplečnika Navalnaha zakazaŭ biełarus
Stała viadoma, jakija z palitykaŭ najbolš papularnyja i nienavisnyja ŭ Jeŭropie
