U kiraŭnictvie Kamiteta dziaržaŭnaj biaśpieki prajšli kadravyja pierastanoŭki. Na klučavyja pasady pryznačana ažno dziesiać čałaviek. Staršynia Vadzim Zajcaŭ svajo miesca zachavaŭ. Tym nie mienš,
nie treba pieraaceńvać značnaść novych pryznačeńniaŭ. Łukašenka prosta pieratasavaŭ staruju kałodu kadebistaŭ. Źmieny nosiać kaśmietyčny charaktar.
Bieraściejec Leanid Dziadkoŭ staŭ namieśnikam staršyni kiraŭnika KDB. Dziadkoŭ zasłužyŭ słavu tym, što budučy na pasadzie kiraŭnika bieraściejskaha KDB inicyjavaŭ sudovy praces suprać časopisu ARCHE, źvinavaciŭšy
Taksama viadomaść Dziadkovu pryniesła fraza jahonaha namieśnika, što «sa škodnym kirunkam dumak u šyrokim sensie słova u nas zmahajucca ŭsie biez vyklučeńnia apieratyŭnyja padraździaleńni na zamacavanych za imi napramkach raboty». Fraza była pramoŭlena ŭ časie supolnaj ź Dziadkovym
Namieśnikam Vadzima Zajcava pa kadravym zabieśpiačeńni i arhanizacyjnaj pracy stanie Ihar Bachmataŭ, jaki da hetaha byŭ načalnikam Instytuta nacyjanalnaj biaśpieki. A jašče pierad hetym pracavaŭ kiraŭnikom Bresckaha KDB, dzie jaho zamianiŭ toj samy Dziadkoŭ.
Na dobruju dla karjernaha rostu pasadu kiraŭnika Bresckaha abłasnoha KDB pryznačany Ihar Buśko. Jon byŭ kiraŭnikom hałoŭnaha ŭpraŭleńnia kontrvyviedki KDB. Ale hetaje miesca taksama nie zastałosia pustym. Buśka tam źmianiŭ Siarhiej Šuhajeŭ.
Bieraściejcy akazalisia samymi papularnymi siarod novych pryznačencaŭ. Były namieśnik Dziadkova pa Bresckaj vobłaści Ivan Laskoŭski staŭ hałoŭnym užo ŭ vobłaści Homielskaj.
Pryjšoŭ Laskoŭski ŭ Homiel na miesca Ivana Karža, ale samoha Karža taksama nichto nie śpisaŭ, jaho pierasunuli na pracu ŭ Hrodna, kiraŭnikom abłasnoha KDB.
Były ž hałoŭny kadebist Hrodzienskaj vobłaści Ihar Sierhijenka źbiraje čamadany ŭ vobłaść Mahiloŭskuju. Ciapier jon kiravać budzie tamtejšym KDB. Cikava, što pryniasie voś takaja pieratasoŭka kadraŭ?
Načalnikam upravy KDB pa horadzie Minsku i Minskaj vobłaści pryznačany Uładzimir Kałač. Jon zamianiŭ na pasadzie dobra viadomaha Ihara Kuźniacova, jaki asabista zajmaŭsia kryminalnymi spravami suprać «maładafrontaŭcaŭ». Kuźniacoŭ ža staŭ načalnikam Instytuta nacyjanalnaj biaśpieki, zamiest Bachmatava, jaki pajšoŭ na pavyšeńnie.
A načalnikam hałoŭnaj upravy ŭradavaj suviazi KDB staŭ Viktar Jaruta. Jon, jak i Vadzim Zajcaŭ, pryjšoŭ u Kamitet z pamiežnikaŭ.
Padpałkoŭnik zapasu KDB Valery Kostka kaža, što źmieny mohuć być źviazanyja z chutkimi vybarami. «Paśla adstaŭki Mackieviča KDB faktyčna pieratvarajecca z surjoznaj śpiecsłužby ŭ asabistuju achranku prezidenta. Tudy iduć słužyć chto zaŭhodna: pahraničniki, tankisty, padatkaviki, ale nie prafiesijnyja čekisty», — kaža Valery Kostka.
Padpałkoŭnik uzhadvaje, što ŭ svoj čas siońniašni kiraŭnik KDB Vadzim Zajcaŭ pryvioŭ z pamiežnaha kamitetu u KDB až 40 čałaviek. «Ciapier praciahvajecca hetaja praca pa stvareńni ručnoha orhana», — dadaje V.Kostka.
