5 lutaha (piatnica) spaŭniajecca 80 hadoŭ narodnamu artystu SSSR Raścisłavu Jankoŭskamu. U hety dzień u Nacyjanalnym akademičnym dramatyčnym teatry imia Maksima Horkaha (Ruskim teatry) projdzie jubilejnaja viečaryna artysta.
Da jubileju padrychtavana «Suničnaja palana Jankoŭskaha». Na scenu zamiest zvykłych hledaču hierojaŭ śpiektakla vyjduć svajaki, siabry i kalehi jubilara ź vinšavańniami.
Jankoŭski syhraŭ bolš jak 160 rolaŭ u teatry i kino. Artyst udastojeny ordena Francyska Skaryny i ordena Ajčyny III stupieni, źjaŭlajecca łaŭreatam premii «Za duchoŭnaje adradžeńnie». Z momantu zasnavańnia Minskaha mižnarodaha kinafiestyvalu «Listapad» jon vystupaje jaho niaźmiennym staršynioj.
U Nacyjanalnym akademičnym teatry imia Horkaha Jankoŭski pracuje z 1957 hoda.
Aprača taho, z 6 pa 11 lutaha zasłužany artyst Biełarusi Andrej Dušačkin zaprašaje hledačoŭ Ruskaha teatra na »Dušeŭnyja sustrečy» ŭ honar svajho 50‑hodździa. Na praciahu tydnia ŭ teatry buduć pakazanyja śpiektakli z udziełam akciora: «Ja vieru ŭ haraskopy», «Kaštanka», «Svabodny šlub», «Dziadziečkaŭ son», «Pierad zachodam sonca». Zavieršacca «Dušeŭnyja sustrečy» śpiektaklem «Bieh», u jakim Dušačkin vykonvaje hałoŭnuju rolu.
24 lutaha ŭ teatry projdzie jubilejnaja viečaryna, prymierkavanaja da dnia naradžeńnia narodnaj artystki Biełarusi i łaŭreata dziaržaŭnaj premii Biełarusi Volhi Klebanovič. Padčas viečaryny projdzie 260‑y pakaz śpiektakla «Adjutant‑Ša Jaho Vialikaści».
