Reakcyi rasijskaha boku na prapanovu Biełarusi ab zachavańni letašniaj cany na haz pakul niama, zajaviŭ žurnalistam 10 lutaha ŭ Minsku pasoł RF Alaksandr Surykaŭ.
Jon nahadaŭ, što ŭsie paramietry i ŭmovy pastavak hazu ŭ Biełaruś na 2010 hod, u tym liku i cenavyja, abhavorany ŭ kantrakcie, padpisanym «Hazpromam» i «Biełtranshazam» u kancy 2006 hoda.
«Kantrakt dziejničaje, pastaŭki ažyćciaŭlajucca, inšych pytańniaŭ pakul nie razhladajecca», — zajaviŭ pasoł.
Razam z tym, dadaŭ Surykaŭ, kali buduć dasiahnutyja inšyja damoŭlenaści pamiž kiraŭnictvam dźviuch krain, to, «napeŭna, možna vieści pieramovy».
3 lutaha premjer‑ministr Biełarusi Siarhiej Sidorski zajaviŭ, što Biełaruś raźličvaje na dasiahnieńnie damoŭlenaściaŭ z AAT «Hazprom» ab zachavańni ŭ 2010 hodzie letašnich cen na haz. Pavodle jaho słoŭ, biełaruski bok padrychtavaŭ prapanovy ŭ adpaviednaści z daručeńniami prezidentaŭ dźviuch krain, jakija byli dadzieny na pasiadžeńni Vyšejšaha dziaržsavieta ŭ śniežni 2009 hoda, i čakaje adkazu ad rasijskich kaleh.
«Hazprom», pavodle słoŭ Sidorskaha, prytrymlivajecca pieršapačatkovych umoŭ kantrakta, jakija praduhledžvajuć pakidańnie Biełarusi ŭ 2010 hodzie panižalnaha kaeficyjenta da siaredniejeŭrapiejskaj cany na haz 0,9 suprać 0,7 u 2009 hodzie. «Z ulikam padzieńnia cen na haz na spotavych rynkach my ličym mahčymym prymianieńnie ŭ 2010 hodzie kaeficyjenta 0,75», — skazaŭ jon.
Biełaruski premjer nahadaŭ, što kantrakt z «Hazpromam» praduhledžvaje štohadovaje pavyšeńnie panižalnaha kaeficyjenta da cany na haz dla Biełarusi. «Kali my stvarali SP (majecca na ŭvazie SP «Biełtranshaz»), płanavali raźvićcio ŭ hazavaj śfiery. U lutym hetaha hoda paśla praviadzieńnia čarhovaha płaciažu ŭ 625 młn. dalaraŭ dola «Hazproma» ŭ «Biełtranshazie» vyraście da 50%», — adznačyŭ Siarhiej Sidorski.
U kancy 2009 hoda kiraŭnik «Hazproma» Alaksiej Miler zajaviŭ, što cana hazu dla Biełarusi ŭ pieršym kvartale 2010 hoda składzie kala 168 dalaraŭ za tysiaču kubamietraŭ. «U 2009 hodzie siaredniaja cana pastavak hazu ŭ Biełaruś była nižej na 11% — kala 150 dalaraŭ, — adznačyŭ Miler. — Z‑za adsutnaści ekspartnaj pošliny cana hazu dla Biełarusi značna mienšaja, čym dla inšych pakupnikoŭ rasijskaha hazu, a zahadzia ŭzhodnieny pierachodny pieryjad da bolš vysokich cen dazvalaje adaptavacca biełaruskaj ekanomicy».
