U Vatykanie siońnia adbudziecca sustreča Bieniedykta XVI ź irłandskimi biskupami. Pantyfik zaprasiŭ ich, kab abmierkavać vypadki piedafilii siarod duchavienstva, jakija hańbiać katalickuju carkvu Irłandyi.
«Čalcy carkvy ździejśnili złačynstva suprać pravoŭ dziaciej, — kazaŭ raniej Papa, — i ich dziejańni pavinny być asudžanyja i pakaranyja».
«Aŭtarytetu Carkvy, jakaja pavinna być ruparam Jevanhiella, naniesiena vieličeznaja škoda, — kaža biskup Džozef Dafi. — U hetym niama nijakaha sumnievu. Naša zadača zaraz pastaracca vypravić heta stanovišča i adnavić davier».
U dvuch dakładach, apublikavanych u minułym hodzie, havorycca,
što na praciahu 30 hadoŭ katalickaja carkva Irłandyi chavała šmatlikija vypadki piedafilii i hvałtu z boku śviataroŭ u adnosinach da dzieciaj z carkoŭnych prytułkaŭ.
U kancy studzienia čaćviora irłandskich biskupaŭ zajavili, što admaŭlajucca ad sanu, inšyja vystupili z prośbaj ab daravańni.
Irłandyja nie adzinaja kraina, dzie katalickija śviatary byli vykrytyja ŭ ździajśnieńni hvałtoŭnych dziejańniaŭ u dačynieńni da niepaŭnaletnich. Padobnyja skandały mieli miesca ŭ Hiermanii, Polščy, Partuhalii, Aŭstryi, Ispanii i ZŠA, paviedamlaje Jeŭrańjus.
***
Darečy ŭ sieradu, na telekanale XXI: budzie pakazany film «Pieśnia dla izhoja» (Sonf for a Raggy Boy, Irłandyja, Vialikabrytanija, Danija, Ispanija, 2003)
pra fakty piedafilii i hvałtu ŭ vypraŭlenčych katalickich škołach Irłandyi ŭ 1940‑ia hady.
Hety film, zasnavany na realnych padziejach (pavodle aŭtabijahrafičnaj knihi Patryka Hełvina), nie rekamiendujuć hladzieć dzieciam.
Filmy na telekanale XXI pakazvajucca trojčy na dzień. Takim čynam «Pieśnia dla izhoja» ŭ 13:20, 21:20, 05:20.
Telekanał XXI dastupny ŭ kabielnych sietkach, naprykład, u tym ža Minsku.
