U Minskim harnizonie pačałasia kancentracyja vajennaj techniki, jakaja budzie brać udzieł u paradzie 9 maja z nahody 65‑hodździa Pieramohi ŭ Vialikaj Ajčynnaj vajnie.
Pra heta paviedamili ŭ Ministerstvie abarony Biełarusi.
Technika prybyvaje dla ŭdziełu ŭ treniroŭkach u składzie miechanizavanaj kałony. Płanujecca, što na paradzie 9 maja 2010 hoda buduć pradstaŭleny jak naziemnaja, tak i pavietranaja kampanienty.
U paradzie voźmuć udzieł vychavancy Minskaha suvoraŭskaha vajennaha vučylišča, kursanty Vajennaj akademii i vajennych fakultetaŭ, paradnyja raźliki 120‑j hvardziejskaj asobnaj miechanizavanaj bryhady, 86‑j bryhady suviazi, 103‑j i 38‑j hvardziejskich asobnych mabilnych bryhad.
Apošni raz vajennaja technika demanstravałasia na paradzie 3 lipienia 2009 hoda, u Dzień Niezaležnaści i 65‑hodździa vyzvaleńnia Biełarusi ad niamiecka‑fašysckich zachopnikaŭ. A da hetaha — 9 maja 2005 hoda na paradzie ŭ aznamienavańnie 60‑j hadaviny Pieramohi ŭ Vialikaj Ajčynnaj vajnie.
