Alaksandr Łukašenka padpisaŭ šerah ukazaŭ ab pryznačeńni kirujučaha składu Uzbrojenych sił, paviedamiła 1 sakavika pres‑słužba prezidenta.
Łukašenka pryznačyŭ hienierał‑majora Aleha Ziamskova načalnikam rakietnych vojskaŭ i artyleryi Uzbrojenych sił — načalnikam upraŭleńnia rakietnych vojskaŭ i artyleryi Hienieralnaha štaba Uzbrojenych sił, vyzvaliŭšy jaho ad pasady načalnika Hałoŭnaha štaba — pieršaha namieśnika kamandujučaha suchaputnymi vojskami Uzbrojenych sił. Na pasadu, jakaja vyzvaliłasia, pryznačany pałkoŭnik Ihar Matrašyła.
Hienierał‑major Ihar Łaŭrynienka pryznačany pieršym namieśnikam načalnika Hienieralnaha štaba Uzbrojenych sił. Na pasadu načalnika hałoŭnaha arhanizacyjna‑mabilizacyjnaha ŭpraŭleńnia — namieśnika načalnika Hienieralnaha štaba Uzbrojenych sił, jakuju raniej zajmaŭ Łaŭrynienka, pryznačany pałkoŭnik Siarhiej Kupryk.
Padpisany ŭkaz ab pryznačeńni pałkoŭnika milicyi Uładzimira Bačyły načalnikam Akademii Ministerstva ŭnutranych spraŭ.
