Nieviadomyja źbili biełaruskaha mastaka Michasia Karpuka, jaki 5 sakavika adznačyŭ 80‑hodździe.
Paciarpieły paviedamiŭ, što na jaho napali dniom 13 sakavika ŭ Trajeckim pradmieści stalicy, dzie bolš za 20 hadoŭ znachodzicca majsternia mastaka. Jon pakinuŭ majsterniu i nakiroŭvaŭsia ŭ Muziej historyi biełaruskaha kino na sustreču z naviedvalnikami piersanalnaj vystavy, pryśviečanaj jaho 80‑hodździu. Pa darozie zajšoŭ u apteku, kupiŭ nieabchodnyja leki, a pry vychadzie z apteki jaho ŭdaryli. «Aprytomnieŭ ja ŭ svajoj majsterni, kali pryjechała bryhada chutkaj miedycynskaj dapamohi», — skazaŭ mastak. Jon miarkuje, što ŭ majsterniu jaho prynieśli i vyklikali ŭračoŭ susiedzi.
Paśla ahladu ŭ balnicy chutkaj dapamohi Karpuk byŭ adpuščany damoŭ. «Adčuvaju siabie dobra, tolki tvar «raśpisany» siniakami i rankami jak vielikodnaje jajka», — skazaŭ mastak. U milicyju jon nie źviartaŭsia, bo ličyć heta marnym.
***
Biełaruski mastak kino i telebačańnia, hrafik i žyvapisiec Michaś Karpuk (05.03.1930, vioska Mykšycy Kamianieckaha rajona Bresckaj vobłaści) paśla zakančeńnia Minskaha mastackaha vučylišča i Maskoŭskaha palihrafičnaha instytuta pracavaŭ mastakom i hałoŭnym mastakom na Biełaruskaj studyi telebačańnia i kinastudyi «Biełaruśfilm», aformiŭ šerah śpiektaklaŭ i filmaŭ. U stankovych tvorach Karpuka pieravažajuć panaramnyja piejzažy, jakim ułaścivy kampazicyjnaja zavieršanaść i tonkaja madeliroŭka detalaŭ.