Pra cikavaść palakaŭ da lidera biełaruskaha rynku «Viedomostiam» raspavioŭ znajomy adnaho z kiraŭnikoŭ «Biełdziaržstracha». PZU źviarnułasia ŭ biełaruskuju kampaniju z prapanovaj ab jaje mahčymaj pakupcy ŭ vypadku akcyjanavańnia, kaža jon.
Zaraz «Biełdziaržstrach» — unitarnaje pradpryjemstva, lider strachavoha rynku sa zborami 602,8 miljarda rubloŭ ($200 miljonaŭ).Pa dadzienych «Biełdziaržstracha», heta 57% ŭsich sabranych u Biełarusi strachavych premij. U kampanii pracuje kala 6000 čałaviek.
Niadaŭna ŭrad pryniaŭ pastanovu ab pieraŭtvareńni «Biełdziaržstracha» i jaho «dački» pa strachavańni žyćcia, kampanii «Stravita», u akcyjaniernyja tavarystvy.
Akcyjanavańnie pavinna prajści ŭ 2010 hodzie.
PZU — najbujniejšy strachoŭščyk Centralnaj i Uschodniaj Jeŭropy, kantrolny pakiet akcyj kampanii naležyć dziaržavie. Pa dadzienych kampanii, jana kantraluje 40% miascovaha strachavoha rynku.
0
0
0
0
0
0
