2–8 žniŭnia 2010 h. Instytut histaryčnych daśledavańniaŭ Biełarusi i departamient fiłasofii Jeŭrapiejskaha humanitarnaha univiersiteta pravodziać mižnarodnuju letniuju škołu dla maładych daśledčykaŭ i vykładčykaŭ u śfiery humanitarnych i sacyjalnych navuk. Letniaja škoła projdzie ŭ siadzibie «Kernavės bajorynė" (30 km ad Vilni).
Pytańnie pra hienezis, los i šlachi nacyjabudavańnia ŭ Biełarusi zdabyło novuju aktualnaść paśla raspadu SSSR. Sučasnyja daśledčyki dadzienaha pytańnia zychodziać z taho, što razhlad situacyi ŭ Biełarusi naŭrad ci moža być praduktyŭnym biez zvarotu da palityčnych, sacyjalnych i kulturnych pracesaŭ u Jeŭropie i ES da i paśla 1989 hodu. Takaja ŭstanoŭka abumoŭlenaja nie tolki ŭłasnaj
U miežach škoły buduć pradstaŭlenyja asnoŭnyja histaryčnyja isacyjalna-tearetyčnyja padychody ŭ analizie prablematyki biełaruskaha nacyjabudavańnia ŭ jeŭrapiejskim kantekście. Histaryčnyja ekskursii, pryśviečanyja śpiecyficy nacyjanalnych pracesaŭ u Biełarusi, buduć supravadžacca analizam pracesaŭ hłabalizacyi i pošuku novych kaštoŭnasnych aryjentyraŭ u sučasnaj Jeŭropie.
Prahrama škoły ŭklučaje nastupnyja temy:
• Biełaruskaje nacyjabudavańnie i ideja Jeŭropy;
• Prablema hienezisu nacyjabudavańnie i sučasnyja teoryi nacyjabudavańnia;
• Biełaruskaja identyčnaść: historyja i pamiać;
• Biełaruś u pošukach nacyjanalnaj idei: etnakulturny, hramadzianski, kasmapalityčny nacyjanalizm;
• Šlachi nacyjabudavańnia ŭ Biełarusi: rola haradskoj i viaskovaj sacyjalnych hrup;
• Nacyjanalizm, jeŭrapieizacyja, demakratyzacyja.
Škoła maje miždyscyplinarny charaktar i pieraduhledžvaje ŭdzieł takich viadomych daśledčykaŭ prablematyki biełaruskaha nacyjabudavańnia, jak Aleh Łatyšonak i Jaŭhien Miranovič ź Biełastoku, Valancin Akudovič, Ihar Babkoŭ, Valer Bułhakaŭ, Zachar Šybieka ź Minska, Siarhiej Tokć (Hrodna) i inš
Miarkujecca taksama zaprašeńnie navukoŭcaŭ z Hiermanii i Litvy.
Pa kožnym z tematyčnych napramkaŭ płanujucca vystupleńni 2–3 zaprošanych ekśpiertaŭ i sumiesnaja dyskusija. U ramkach dyskusij ad udzielnikaŭ škoły čakajucca karotkija vystupleńni (10 chvilin).
Adbor udzielnikaŭ škoły budzie pravodzicca na konkursnaj asnovie. Hałoŭnym kryteram źjaŭlajecca navukovaja cikavaść da biełaruskaj prablematyki, a taksama vykarystańnie atrymanych viedaŭ u vykładčyckaj abo hramadskaj dziejnaści.
Da ŭdziełu ŭ konkursie zaprašajucca maładyja navukoŭcy i vykładčyki ź Biełarusi i inšych krain. Minimalnaje patrabavańnie da ŭdzielnikaŭ: navučańnie ŭ mahistratury albo najaŭnaść stupieni mahistra (abo dypłoma ab vyšejšaj adukacyi) u halinie sacyjalnych ci humanitarnych navuk, a taksama prafiesijnaja (akademičnaja, hramadskaja) dziejnaść, źviazanaja z tematykaj škoły. Uzrost udzielnikaŭ — da 35 hadoŭ.
Rabočyja movy škoły — biełaruskaja i ruskaja.
Zajaŭki na ŭdzieł u letniaj škole prymajucca da 15 maja 2010 hodu pa elektronnaj pošcie (tema elektronnaha paviedamleńnia — «
Zajaŭki padajucca na biełaruskaj abo ruskaj movie.
Zajaŭka musić składacca z dvuch fajłaŭ.
Pieršy fajł:
Nazva fajła: «Proźvišča zajaŭnika_CV». Źmiest fajła: infarmacyja pra zajaŭnika, jakaja ŭklučaje ŭ siabie:
• Proźvišča, imia
• Datu naradžeńnia
• Kantaktny telefon i adras elektronnaj pošty
• Miesca navučańnia/pracy, pasada
• Adukacyja (u tym liku za miažoj)
• Udzieł u letnich i zimovych škołach za apošnija try hady
• Tematyka navukovych daśledavańniaŭ i asnoŭnyja publikacyi
• Tema ese i jaho karotkaja anatacyja (100–200 słoŭ)
Druhi fajł:
Nazva fajła: «Proźvišča zajaŭnika_text». Źmiest fajła: nievialikaje ese (5–10 st.), pryśviečanaje adnoj z nazvanych vyšej asnoŭnych temaŭ hadavoj škoły (zamiest ese moža być prapanavany ŭžo apublikavany tekst (abo ŭryvak) ukazanaha abjomu).
Pra vyniki adboru zajavak budzie paviedamlena nie paźniej za 1 červienia.
Udzielnikam škoły dajecca biaspłatnaja viza, apłačvajecca pražyvańnie i charčavańnie. U asobnych vypadkach moža być razhledžanaje pytańnie ab kampiensacyi (poŭnaj abo častkovaj) darožnych vydatkaŭ.
