U Śledčym kamitecie pry Prakuratury Rasijskaj Fiederacyi razhladajucca try viersii krušeńnia samalota Tu‑154 ŭradavaha avijaatrada Polščy.
Jak paviedamlaje ITAR‑TASS, u SKP ŭ jakaści mahčymych pryčyn avaryi nazyvajucca drennyja ŭmovy nadvorja, pamyłka ekipaža i niepaładki ŭ samalocie.Raniej sa spasyłkaj na krynicu ŭ siłavych strukturach havaryłasia, što katastrofu samalota prezidenta Polščy schilnyja śpisać na čałaviečy faktar.
Avijakatastrofa, u jakoj zahinuli prezident Polščy Lech Kačyński, kiraŭniki Hienštaba i Nacbanka krainy i jašče dziesiatki palitykaŭ i hramadskich dziejačaŭ, adbyłasia ranicaj 10 krasavika. Tu‑154 zadzieŭ drevy pry zachodzie na pasadku va ŭmovach hustoha tumanu. Samalot raźbiŭsia ŭ niekalkich sotniach mietraŭ ad uźlotna‑pasadkavaj pałasy aeradroma «Paŭnočny» pad Smalenskam. Aficyjnaja polskaja delehacyja na čale z Kačyńskim nakiroŭvałasia ŭ Katyń dla ŭdziełu ŭ žałobnych mierapryjemstvach, prymierkavanych da 70‑j hadavinie rasstrełu polskich aficeraŭ.
Pa ŭdakładnienych dadzienych, u samalocie znachodzilisia 96 čałaviek. Nichto ź ich nie vyžyŭ.
Abaviazki prezidenta Polščy, pavodle kanstytucyi krainy, byli pieradadzienyja śpikieru sojmu (nižniaj pałaty parłamienta) Branisłavu Kamaroŭski.
