Pravacentrysckaja partyja Fides atrymała, pa papiarednich dadzienych, pieramohu ŭ pieršym raŭndzie parłamienckich vybaraŭ u Vienhryi, pazbaviŭšy ŭłady sacyjalistaŭ, jakija kiravali krainaj apošnija vosiem hadoŭ.Vybary prajšli ŭ minułuju niadzielu.
Pa infarmacyi Nacyjanalnaj vybarčaj kamisii Vienhryi, partyja Fides, pad kiraŭnictvam byłoha premjer-ministra krainy Viktara Orbana, nabrała 52,8% hałasoŭ vybarščykaŭ i atrymała 206 z 386 miescaŭ u parłamiencie krainy.
Na druhim miescy apynulisia sacyjalisty z 19,3% hałasoŭ, što dazvolić im raźličvać na 28 mandataŭ. Upieršyniu ŭ parłamient prachodzić i nacyjanalistyčnaja partyja Jobbik, jakaja nabrała ŭ pieršym tury hałasavańnia 16,7% hałasoŭ, što daść joj 26 deputackich mandataŭ. Skrajnie levaja libieralnaja partyja LMP stała čacviortaj siłaj, što prabiłasia ŭ hałoŭny zakanadaŭčy orhan krainy z 7,42%. Heta dało joj prava nakiravać u parłamient piać deputataŭ.
Los 121 miesca ŭ parłamiencie budzie vyznačany ŭ niadzielu, 25 krasavika, kali adbudziecca druhi tur vybaraŭ.
Parłamient Vienhryi abirajecca na čatyry hady. Prava hołasu ŭ krainie majuć 8,3 miljona čałaviek.
