«Prahrama enierhaźbieražeńnia dla ŭrada, u cełym dla našaj krainy źjaŭlajecca asnoŭnym elemientam aktyŭnaj madernizacyi biełaruskaj ekanomiki», — zajaviŭ na adkryćci Biełaruskaha pramysłovaha forumu 11 maja premjer‑ministr Siarhiej Sidorski.
Kiraŭnik urada nahadaŭ, što pastaŭlena zadača na praciahu piaci hadoŭ spažyvańnie paliŭna‑enierhietyčnych resursaŭ skaracić na 30%. Pavodle słoŭ Sidorskaha, za apošnija dzieviać hadoŭ Biełaruś praktyčna padvoiła VUP (223%). «Pry hetym rost VUP i rost ekanomiki krainy supravadžaŭsia niaŭchilnym źnižeńniem spažyvańnia paliŭna‑enierhietyčnych resursaŭ», — skazaŭ jon. «Heta adzin z najvažniejšych pakazčykaŭ, jaki charaktaryzuje raźvićcio biełaruskaj ekanomiki. Ja dumaju, jeŭrapiejskija dziaržavy ŭ hetym siehmiencie rynku nie mohuć pachvalicca takimi pośpiechami, jakija maje siońnia biełaruskaja ekanomika», — miarkuje premjer‑ministr.
Sidorski skazaŭ pra važnaść pierachodu na miascovyja vidy paliva (MVP), jakija pastupova zamiaščajuć impartny pryrodny haz. Za minułyja čatyry hady dola MVP dasiahnuła 21%, sioleta płanujecca 25%, jašče praz dva hady — 30%. U Biełarusi ŭžo pabudavana amal dziesiać stancyj, jakija pracujuć na MVP.
***
XIII Biełaruski pramysłovy forum prachodzić z 11 pa 14 maja ŭ Minsku, u vystavačnym paviljonie na praśpiekcie Pieramožcaŭ, 14.
Svaju pradukcyju, raspracoŭki i technałohii demanstrujuć pryblizna 200 mižnarodnych kampanij, pradpryjemstvaŭ i firm ź Biełarusi, Bałharyi, Łatvii, Polščy, Rasii, Ukrainy, Finlandyi, Čechii. Prezientavany rehijanalnyja ekspazicyi Naŭharodskaj i Razanskaj abłaściej Rasii. Upieršyniu prachodzić prezientacyja pramysłovaści i navuki Čechii.
Padčas forumu adbudziecca plenarnaje pasiadžeńnie simpoziuma 12 maja ŭ kanhres‑chole biźnies‑centra «Viktoryja». Hałoŭnaja jaho tema — «Enierha‑ i resursaźbieražeńnie jak faktar pavyšeńnia jakaści i kankurentazdolnaści pradukcyi». Na pasiadžeńni vystupiać pieršy vice‑premjer Uładzimir Siamaška, kiraŭniki departamienta pa enierhaefiektyŭnaści Dziaržstandarta, Minprama, NAN Biełarusi, Mibudarchitektury, Minadukacyi, Minžyłkamhasa, Mahiloŭskaha abłvykankama, AAT «BiełaAZ». Simpoziumam taksama praduhledžana praviadzieńnie kanfierencyj, sieminaraŭ, prezientacyj.
Sioleta padčas forumu projdzie XIV Mižnarodnaja śpiecyjalizavanaja vystava enierhaefiektyŭnych i resursaźbierahalnych technałohij, abstalavańnia i materyjałaŭ u pramysłovaści i enierhietycy «BiełPramEnierha». Taksama adbudziecca 7‑y mižnarodny konkurs enierhaefiektyŭnych i resursaźbierahalnych technałohij i abstalavańnia, 6‑y konkurs prafiesijnych zvarščykaŭ, zajaŭku na ŭdzieł u jakim padali bolš jak 120 śpiecyjalistaŭ, kaapieracyjnaja birža.
