Padčas tavaryskich matčaŭ pierad nacyjanalnaj zbornaj Biełarusi pa futbole stajać dźvie mety: dasiahnuć dobraha vyniku i pahladzieć, nakolki adpaviadaje vysokamu ŭzroŭniu hulnia maładych futbalistaŭ.
Pra heta zajaviŭ hałoŭny trenier nacyjanalnaj zbornaj Biełarusi pa futbole Biernd Štanhie 21 maja na pres‑kanfierencyi ŭ Minsku.
27 i 30 maja Biełaruś zhulaje ŭ Aŭstryi suprać Handurasa i Paŭdniovaj Karei, 2 červienia ŭ Minsku — suprać Šviecyi.
«My ź cikavaściu čakajem, jak Biełaruś zhulaje z dvuma ŭdzielnikami čempijanatu śvietu — 2010 i imianitaj kamandaj Šviecyi», — skazaŭ Štanhie.
Jon paviedamiŭ, što dla ŭdziełu ŭ hulniach zaprošany 21 hulec. Pa abjektyŭnych pryčynach nie zmohuć zhulać Cimafiej Kałačoŭ, Alaksandr i Viačasłaŭ Hleb, Vital Kutuzaŭ, Leanid Koviel.
Štanhie adznačyŭ, što ŭ kamandzie navičkoŭ niama. »U vieraśni pačynajecca novaja kvalifikacyja da čempijanatu Jeŭropy — 2012, da jakoj my padychodzim sa stabilnaj kamandaj. U jaje jość tvar. Ale adzin‑dva kampanienty da hulni nieabchodna dadać. U pryvatnaści, my budziem adpracoŭvać navyki chutkaj kontrataki, a taksama chočam jakasna palepšyć apošni pas», — skazaŭ jon.
Letam Biełaruś praviadzie jašče adzin dvuchdzionny zbor. U jaho ramkach na 11 žniŭnia zapłanavany vyjazny tavaryski matč sa zbornaj Litvy.
3 vieraśnia biełaruskaja futbolnaja zbornaja ŭ ramkach adboračnaha turniru čempijanatu Jeŭropy — 2012 zhulaje na vyjeździe sa zbornaj Francyi.
