Pazicyja Rasii pa pastaŭkach hazu ŭ Biełaruś niedapuščalnaja. Pra heta siońnia žurnalistam zajaviŭ kiraŭnik Biełarusi Alaksandr Łukašenka padčas vizitu ŭ Škłoŭski rajon.
«Nielha tak pavodzić siabie ŭ dačynieńni da Biełarusi: inšym panižajučy ceny na haz ci fiksujučy ich, a nam pavyšajučy, — skazaŭ Alaksandr Łukašenka. — Šmat na hetym rasijcy i «Hazprom «nie nažyvucca, a voś stracić mohuć šmat čaho».
Alaksandr Łukašenka adznačyŭ, što, kali prezident Rasii Dźmitryj Miadźviedzieŭ paprasiŭ jaho vykazać pazicyju Biełarusi nakont hazavaha pytańnia, biełaruski lider adkazaŭ adnaznačna:
«Kraina tolki vychodzić ź finansava‑ekanamičnaha kryzisu. Nam zaraz niaprosta, nam treba padtrymać vytvorčaść.
I pavieličeńnie cenaŭ na haz, viadoma ž, niehatyŭna paŭpłyvaje na rentabielnaść našych pradpryjemstvaŭ». Akramia taho, kiraŭnik biełaruskaj dziaržavy padkreśliŭ: «Ekanomika Biełarusi siońnia faktyčna pracuje na rasijskuju ekanomiku. My atrymlivajem siońnia kamplektujučyja z pradpryjemstvaŭ Rasii, na jakich pracujuć da 15 młn. čałaviek.
To bok my jak byli, tak u niekatorym rodzie i zastajemsia zboračnym cecham Rasii».
Tamu, pa słovach Alaksandra Łukašenki, kazać pra toje, što heta niejkim čužym ludziam pastaŭlajecca haz, niejki inšaj krainie, nielha.
Kiraŭnik Biełarusi taksama nahadaŭ, što rasijski bok źniziŭ canu za pryrodny haz na 30% dla Ukrainy, niadaŭna prahučała pytańnie pra mahčymaje panižeńnie dla Vienhryi.
«Pajšli panižeńnie koštaŭ na pryrodny haz. Čamu ž nam vyrašyli padniać na 30% košt?» — aburyŭsia biełaruski lider.
Alaksandr Łukašenka dadaŭ: «Usio roŭna, što tam u nas roźnica była ŭ canie. Bo dla Rasii Biełaruś i inšyja dziaržavy — heta, jak kažuć u Adesie, dźvie vialikija roźnicy. Biełaruś dla Rasii — zusim inšaja kaštoŭnaść.
I nie treba tut upichvać, što my nadurniak chočam pražyć!Nie, my vielmi vialikuju karyść prynosim Rasii, pačynajučy ad vytvorčaści i zakančvajučy abaronaj i inšymi pytańniami».
«Voś u takim kantekście išła razmova Dźmitryja Miadźviedzieva. U vyniku prezident Rasii mnie skazaŭ, što nie pa ŭsich pytańniach jon hatovy adkazać adrazu i što jon abaviazkova na praciahu 2‑3 dzion vyznačycca i mnie patelefanuje. Nu voś, pa telebačańni «patelefanavaŭ» — vy heta čuli».
Alaksandr Łukašenka pry hetym padkreśliŭ:
«My vyžyviem. Ale tak pavodzić siabie ŭ dačynieńni da naroda‑sajuźnika, ź jakim razam hnili ŭ akopach, ja liču, niedapuščalna. I heta nijakija nie emocyi, choć i jany dla nas, słavian, taksama važnyja».
Adkazvajučy na pytańnie žurnalista pra toje, ci źbirajecca biełaruski bok płacić za toj doŭh, ab jakim zajaŭlaje Rasija, jon skazaŭ: «My viadziem zaraz pieramovy. Kali zychodzić z punktu hledžańnia Rasiei, to heta abaviazak. Kali zychodzić z taho, što ja skazaŭ, ‑‑ nijakaha abaviazku niama. Ja dumaju, damovimsia. Kali my pahadzilisia z tym, što heta abaviazak i Rasii vielmi ciažka pakinuć minułuju canu, to my budziem płacić, znojdziem hrošy».
