14 lipienia padčas matču Lihi čempijonaŭ BATE — «Chabnarfjordiur» źjavilisia raściažki ź ličbami 14 i 88. Heta svojeasablivy šyfr, jaki abaznačaje «Chajl Hitler». Z hetaj nahody kiraŭnictva biełaruskaha čempijona vystupiła z admysłovaj zajavaj.
«Učora padčas matču ź isłandskim «Chabnarfjordiuram» u fanackim siektary BATE adbyŭsia aburalny incydent. U peŭny momant pobač byli padniatyja transparanty ź ličbami «14» i «88». My nie dumajem, što mieła miesca vypadkovaje supadzieńnie ličbaŭ, ci akcentavałasia ŭvaha na numarach lubimych futbalistaŭ našaj kamandy. Pa ŭsioj bačna, niejkija prydurkavatyja, takim voś brudnym sposabam, vitajučy nacyzm, vyrašyli nanieści ŭdar pa imidžu kłuba.
Jak ni sumna heta pryznavać, fanackaje asiarodździe našaha kłuba, zrešty, jak i luboha inšaha, — nieadnastajnaja, i, jak akazałasia,
u joj isnuje hrupa padonkaŭ, jakija padzialajuć i pramaŭlajuć nacysckuju fiłasofiju. U hetych nieludziaŭ, a pa‑inšamu nazvać ich nielha, nie zastałosia ničoha śviatoha.
FK BATE ŭžo pačaŭ ŭłasnaje rasśledavańnie. Viaducca kansultacyi ź liderami fanackaha ruchu, a taksama rychtujecca zvarot u pravaachoŭnyja orhany. Nie sumniavajemsia, vykanaŭcy hetaj brudnaj akcyi buduć vyjaŭlenyja.
My prynosim vybačeńni ŭsim zaŭziataram kłuba, žycharam našaha horada, jaki paciarpieŭ ad fašyzmu padčas Vialikaj Ajčynnaj vajny, za toje, što hety incydent svoječasova nie byŭ papiaredžany.
FK BATE zaŭsiody padtrymlivaŭ sučasnych, kreatyŭnych balelščykaŭ. Razam z tym, my viadziem pastajannuju baraćbu z prychilnikami roznych šavinistyčny pohladaŭ.
Zrazumieła, my nie možam padvieści ŭsich fanataŭ pad adzin hrabianiec i pradbačyć ich dumki i dziejańni. Adnak prafiłaktyčnuju pracu pravodzić abaviazanyja. I my hetym budziem aktyŭna zajmacca.
Razam z tym ličym, što takaja praca pavinna ažyćciaŭlacca nie tolki kłubam, ale i ŭsimi ludźmi, jakija znachodziacca pobač. U takich situacyjach niedazvolena zajmać pazicyju naziralnika. Z hetym złom treba vieści baraćbu i vypalvać žalezam.Ale hetyja składanyja pytańni nie moža vyrašyć adzin kłub abo asobna ŭziataja hrupa ludziej. Hetym mierapryjemstvam pavinna nadavacca ŭvaha ŭ siamji, u adukacyjnych ustanovach, pracoŭnych kalektyvach.
Na žal, zakon nie daje nam prava karać admarozkaŭ mietadami našych dziadoŭ. Ale my možam źviarnucca ŭ pravaachoŭnyja orhany z metaj vyjaŭleńnia i niedapuščeńnia takich asobaŭ na matčy z udziełam našaj kamandy.
My ni na chvilinu nie pavinny zabyvać, hramadzianami jakoj krainy źjaŭlajemsia, jakim pazbaŭleny i niahody padvierhnuŭsia naš narod u baraćbie z karyčnievaj čumoj. I tamu prosta abaviazany stać ścianoj na šlachu adradžeńnia idej nacyzmu».
