Sioleta ŭ Biełarusi zafiksavanyja dva vypadki zavoznaj malaryi

Pra heta paviedamiŭ 19 lipienia na pres-kanfierencyi ŭ Minsku doktar-parazitołah Respublikanskaha centra hihijeny, epidemijałohii i hramadskaha zdaroŭja Andrej Viedziańkoŭ.

Pavodle jaho słoŭ, u minułym hodzie ŭ Biełarusi było 10 zavoznych vypadkaŭ hetaha zachvorvańnia. Jon zaŭvažyŭ, što biełarusy davoli časta vyjazdžajuć u trapičnyja krainy, u jakich raspaŭsiudžana hetaje zachvorvańnie. «Zadača biełaruskich miedykaŭ — vyjavić takich chvorych, vylečyć i nie dapuścić, kab miascovyja kamary nasmaktalisia ich kryvi i pieradali infiekcyju miascovamu nasielnictvu», — skazaŭ jon. Apošnija vypadki pieradačy malaryi ŭ Biełarusi fiksavalisia ŭ 90-ch hadach minułaha stahodździa.

Jak paviedamiŭ śpiecyjalist, kamary mohuć pieranosić i inšyja infiekcyi — arbavirusnyja infiekcyi, a taksama ličynki hielmintaŭ-dyfilaryj, a ŭ inšych krainach — malaryju, žoŭtuju lichamanku i inšyja zachvorvańni.

Viedziańkoŭ zaŭvažyŭ, što śpiakotnaje leta sadziejničaje značnamu pavieličeńniu kolkaści kamaroŭ, i čym vyšej tempieratura pavietra, tym karaciej repradukcyjny cykł u kamara. Kab paźbiehnuć ukusaŭ, jon paraiŭ karystacca repielentami.

0

0

0

0

0

0

Taćciana Daraščonak, BiełaPAN.

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH