Usio amal jak u Biełarusi — jana atrymała na vybarach 80% hałasoŭ i zojmie 188 sa 196 miescaŭ u parłamiencie krainy. «Nacyjanalnaja demakratyčnaja siła» i «Demakratyčnaja partyja» pryznali svaju parazu. «Nacyjanalnaja liha za demakratyju» vybary bajkatavała.
Adzin z samych žorstkich režymaŭ u śviecie karystajecca na vybarach prazrystymi skryniami, daylife.com
Heta pieršyja vybary ŭ krainie paśla 1990 h., kali pieramahła Nacyjanalnaja liha za demakratyju Aunh San Su Čžy. Tady vajskoŭcy nie dazvolili joj ŭznačalić krainu.
Partyja sajuza, salidarnaści i raźvićcia stvorana vajskovym uradam, jaki ŭznačalvaje hienierał Tan Šve.
Pakul u stalicy śviatkavali elehantnuju pieramohu, u pamiežnych haradach praciahvalisia sutyknieńni pamiž uradavymi vojskami i pradstaŭnikami narodnaści karen.
Zachodnija krainy i pravaabarončyja arhanizacyi ŭžo zajavili, što vybary ŭ Mjanmie nie byli ni sumlennymi, ni svabodnymi.
Zamiežnych naziralnikaŭ i žurnalistaŭ na vybary nie puścili, a pierad vybarami abmiežavali Internet.
0
0
0
0
0
0