Były kiraŭnik Francyi Žak Šyrak paŭstanie pierad sudom nie tolki za rastratu hramadskich srodkaŭ, ale i pa abvinavačvańni ŭ karupcyi, paviedamlaje Associated Press.
Sudovy śledčy horada Nantera Žak Haza pryniaŭ rašeńnie ab pieradačy hetaj spravy ŭ sud. Na dumku śledčaha, kali Šyrak zajmaŭ pasadu mera Paryža, jon z 1990 pa 1994 hady zrabiŭ siem fiktyŭnych pracoŭnych miescaŭ dla finansavańnia svajoj partyi Abjadnańnie ŭ padtrymku respubliki. Advakaty Šyraka ŭžo aznajomlenyja z rašeńniem Haza.
Raniej paviedamlałasia, što Šyrak staŭ fihurantam inšaj spravy ab stvareńni 21 fiktyŭnaha pracoŭnaha miesca ŭ meryi Paryža. Adnak u vyniku staličnyja ŭłady pahadzilisia adklikać pazoŭ, kali Šyrak i jaho partyja zapłaciać €2,2 młn. Mienavita hetuju sumu meryja ŭ svoj čas vydatkavała dla apłaty hetych fiktyŭnych pracoŭnych miescaŭ.
Sam Šyrak advierh usie abvinavačvańni i zajaviŭ, što ŭ toj pieryjad u Francyi nie byli zakanadaŭča aformlenyja praviły finansavańnia palityčnych partyj.
