«Jon pracuje štonočy, robić ciomnuju spravu…» 1

Dvuch pjanych kantrabandystaŭ zatrymali pozna viečaram 16 śniežnia ŭ Naraŭlanskim rajonie supracoŭniki Homielskaj pahraničnaj hrupy pry padtrymcy miascovaj Dziaržaŭtainśpiekcyi.

Jak paviedamiŭ pres-sakratar Dziaržaŭnaha pahraničnaha kamiteta Alaksandr Ciščanka, spačatku pablizu ad biełaruska-ŭkrainskaj miažy byli zaŭvažanyja ślady aŭtamašyny, jakija viali ŭhłyb terytoryi Biełarusi. Padčas pošuku byŭ ustanoŭleny aŭtamabil i pry dapamozie rabotnikaŭ DAI spynieny. U mašynie «UAZ» biez rehistracyjnych numaroŭ znachodzilisia dvoje niećviarozych hramadzian i 19 bujnahabarytnych sumak.

Zatrymanymi akazalisia hramadzianin Biełarusi, žychar Homiela, i hramadzianin Rasii, vychadziec Pskoŭskaj vobłaści. Pieršy pakul adpuščany, druhi zatrymany na troje sutak dla razboru.

Jaki tavar znachodzicca ŭ kanfiskavanych sumkach kantrabandystaŭ, vyśvietlić mytnia.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH