Mozh pieršapačatkova uładkavany tak, kab było praściej kazać praŭdu. Adnak kali čałaviek pastajanna chłusić, to hetuju schilnaść da praŭdzivaści možna pieraadoleć.Tak, častaja chłuśnia robicca lohkaj spravaj i navat niezaŭvažnaj dla detektara chłuśni, piša New Scientist.
Skanavańnie mozhu pakazała, što mozh bolš aktyŭny, kali ludzi chłusiać. Aktyŭnaść adznačajecca ŭ prefrantalnaj kary. Z hetaha była zroblenaja vysnova: chłuśnia patrabuje dadatkovaha kahnityŭnaha kantrolu i tarmažeńnia pracesu ahučvańnia praŭdy. Darečy, kab zmanić, patrabujecca bolš času. Pravieryć heta vyrašyŭ Bruna Vieršuer z Hienckaha ŭniviersiteta.
Navukoviec razam z kalehami vyvučyŭ try hrupy studentaŭ. Spačatku studentaŭ paprasili dać piśmovuju spravazdaču pra toje, čym jany zajmalisia na praciahu dnia. Kožnaha studenta spytali pra hetuju dziejnaść, a potym pacikavilisia, ci havaryŭ jon praŭdu. Dadzienyja pytańni byli razbaŭlenyja pytańniami na novuju temu.
Pry hetym adnu hrupu studentaŭ paprasili zaŭsiody adkazvać ščyra na zadadzienyja pytańni, a druhuju — chłusić. Treciaja hrupa musiła była ŭ roŭnaj stupieni chłusić i havaryć praŭdu. U vyniku navukoŭcy vyśvietlili:
ludzi, jakija časta chłusiać, z časam prystasoŭvajucca da chłuśni, to bok roźnica ŭ časie reakcyi pry chłuśni i ahučvańni praŭdy źnikaje. Atrymlivajecca, detektar chłuśni možna padmanuć.
