Ministerstva zamiežnych spravaŭ Biełarusi paśpiašyła zajavić, što ničoha nia viedaje pra biełaruskich najmitaŭ, jakija vajujuć u Libii na baku Muamara Kadafi. Ale nia važna, što ministerstva viedaje ci što jano kaža, što nia viedaje — Biełaruś zdaŭna viadomaja svaimi suviaziami z tatalitarnymi režymami ŭ roznych kutach śvietu.
Heta robić Biełaruś častkaj usiaśvietnaj sietki supracoŭnictva i ŭzajemadapamohi pamiž niedemakratyčnymi režymami.
Paviedamlajecca, što hetymi dniami siamiejny samalot Kadafi ździajśniaŭ rejs u Miensk i nazad ź niajasnymi metami. Niekatoryja biełaruskija błohiery razvažajuć, što Łukašenka moh zachoŭvać častku svaich hrošaj u Libii i ciapier viartaŭ ich dadomu, u bolš biaśpiečnaje miesca. Ale horš za heta, Biełaruś padazrajecca ŭ pastaŭkach zbroi režymu Kadafi.
Pavodle AAN, Biełaruś taksama pastaŭlaje hielikoptary Laranu Gbagbu, dyktataru Kot dJIvuar, u parušeńnie mižnarodnaha embarha. Biełaruski MZS abviarhaje i heta.
Suviazi Łukašenki z aŭtarytarnym kiraŭnikom Venesueły Uga Čavesam dobra viadomyja: sumiesnaja dabyča nafty, pastaŭki nafty z Venesueły ŭ Biełaruś, šmatlikija biełaruskija budaŭničyja prajekty ŭ Venesuele. Aproč taho, Biełaruś pastaŭlała Čavesu i zbroju.
Bolš za toje, byli paviedamleńni pra toje, što Čaves i Łukašenka pastaŭlajuć zbroju kalumbijskaj levaradykalnaj terarystyčnaj hrupoŭcy FARC.
Łukašenkaŭskaja Biełaruś nie mahła nie naładzić partnerstva i ź Iranam. Usio pačałosia z sumiesnaha pradpryjemstva pa vytvorčaści iranskich aŭtamabilaŭ «Samand» u Biełarusi — prajekt zaraz, padobna, kančatkova vyjaviŭ svaju niaŭdačnaść.
«Ja pierakanany, što kanstruktyŭnym
Machmud Achmadynedžad, u svaju čarhu, patetyčna nazvaŭ sumnaviadomyja prezydenckija vybary 19 śniežnia 2010 h. «załatoj staronkaj u pačesnaj historyi biełaruskaha narodu».
Raniej biełaruski režym, padobna, vydaŭ biełaruskija pašparty členam siamji Sadama Chusejna. U 2010 h. jon daŭ prytułak biehłamu tyranu Kyrhyzstana Kurmanbeku Bakijevu.
Biełaruś, padobna, nie jaŭlaje niepasiaredniaj niebiaśpieki svaim susiedziam. Adnak jość adznaki taho, što
Biełaruś ukosna adkaznaja za sotni ludziej, jakija hinuć u Libii, Kot dJIvuary, Kalumbii i inšych krainach, niezakonna pastaŭlajučy tudy zbroju i zajmajučysia nie zaŭždy lehalnym biznesam zkrainami-izhojami .
U hetyja dni znoŭ robicca jasnym, što prablema taho, što Biełaruś — nieprazrysty i karumpavany aŭtarytarny režym, maje surjoznyja nastupstvy dla mižnarodnaj biaśpieki i stabilnaści.
