Spravu biełaruskich anarchistaŭ pieradali ŭ sud, data — 18 maja

Pryznačanaja data razhladu kryminalnaj spravy biełaruskich anarchistaŭ Ihara Alinieviča, Mikałaja Dziadka, Alaksandra Franckieviča i Maksima Vietkina,

jakich abvinavačvajuć u ździajśnieńni šerahu napadaŭ i padpałaŭ na budynki, a taksama ŭ inšych złačynstvach. Akramia taho, Alaksandru Franckieviču było pradjaŭlena dadatkovaje abvinavačańnie — va ŭzłomie sajta Navapołackaha harvykankama, što kvalifikujecca pa č.2 art. 351 KK RB («Kamputarny sabataž»). Im pahražaje da 12 hadoŭ pazbaŭleńnia voli.

Spravu budzie razhladać sudździa Zavadskoha suda Žanna Chvajnickaja z 18 pa 23 traŭnia.

Nahadajem, što Ihara Alinieviča, jaki byŭ zatrymany ŭ Maskvie i 28 listapada 2010 h., i dahetul nieŭstanoŭlenym šlacham apynuŭsia ŭ SIZA KDB, pieršapačatkova abvinavačvali ŭ złosnym chulihanstvie (č.2 art.339 KK RB) pa epizodach napadu na Rasiejskuju ambasadu ŭ noč z 30 pa 31 žniŭnia 2010 h. i za ŭdzieł u akcyi kala Hienieralnaha štabu Uzbrojenych sił Respubliki Biełaruś 19 vieraśnia 2009 h. Zaraz stała viadoma, što abvinavačańnie pašyryli: akramia epizodu pa Hienštabu, jamu inkryminujuć napad na kazino «Šanhri Ła» ŭ Miensku 05.12.2009 h., napad na ofis banka «Maskva-Miensk»31.05.2010 h., napad na Rasiejskuju ambasadu 30 žniŭnia 2010 h. i napad na Akreścina 6 vieraśnia 2010 h. Hetyja dziejańni kvalifikujucca pa č.2 art.339 KK RB i pa č.2 i 3 art.218 (naŭmysnaje źniščeńnie albo paškodžańnie majomaści (da 12 hadoŭ źniavoleńnia). Častku 3 art.218 Iharu pradjaŭlajuć u suviazi ź vialikim pamieram škody. Tolki spalenaja mašyna rasiejskaj ambasady aceńviecca kala 55 młn. biełaruskich rubloŭ. U košt kampensacyi strataŭ kanfiskavalii jahony aŭtamabil. Termin śledstva praciahnuty na 9 miesiacaŭ, termin utrymańnia pad vartaj — da krasavika.

Mikałaj Dziadok znachodzicca pad vartaj z 3 vieraśnia 2010 h. 1 kastryčnika jamu pradjavili abvinavačańnie ŭ akcyi kala Hienštabam 19 vieraśnia 2009 h. (złosnaje chulihanstva, ździejśnienaje hrupaj asobaŭ — č.2 art.339 KK RB). Zaraz jaho pieraviali ŭ SIZA-1 u Miensku na vulicy Vaładarskaha i 15 lutaha 2010 h. pašyryli abvinavačańnie nastupnym čynam: da epizodu z Hienštabam dałučyli abvinavačańnie pa napadach na kazino «Šanhri Ła» i na budynak Fiederacyi prafsajuzaŭ 30.04.2010, što kvalifikavali pa dvuch artykułach — č.2 art.339 KK RB i č.2 art.218 KK RB. Vydatki acanili ŭ 2 400 000 bieł.rub. Termin utrymańnia pad vartaj praciahnuty da 6 sakavika, termin śledstva — da 12 krasavika.

Alaksandr Franckievič taksama znachodzicca pad vartaj z 3 vieraśn 2010 h. 20 vieraśnia jamu pradjavili abvinavačańnie pa č.2 art.339 KK RB — aficyjna jon abvinavačvaŭsia ŭ tym, što zdymaŭ na videa napad na aporny punkt milicyi ŭ Salihorsku (budynak naležyć DUPP «ŽKH «Kompleks»), 14 lutaha jamu pradjavili novaje abvinavačańnie, zhodna jakomu jaho abvinavačvajuć u akcyi pad Hienštabam pa č.2 art.339 KK RB, a salihosrki napad i napad na prafsajuzy pa č.2 art.218 i pa č.2 art.339 KK RB. Materyjalnaja škoda hetych dziejańniaŭ aceńvajecca ŭ 1 900 000 bieł.rub. Znachodzicca ŭ SIZA na Vaładarskaha, Termin utrymańnia pad vartaj — da krasavika 2011 h.

Taksama ŭ SIZA na Vaładarcy z 4 listapada 2010 h. znachodzicca Maksim Vietkin, jaki abvinavačvajecca ŭ napadzie na rasiejskuju ambasadu i adździaleńnie «Bie

0

0

0

0

0

0

spring96.org

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH