Ja vyrašyŭ napisać pra Andreja Pratasieniu nie tamu, što chvareju na aktyŭnuju hramadzianskuju pazicyju albo cikaŭlusia palitykaj.Zusim nie, ja byŭ absalutna apalityčny da niadaŭniaha času. Ale niahledziačy na heta, a taksama na toje, što ja ciapier žyvu daloka ad Biełarusi, na inšym kantyniencie, padziei 19 śniežnia da hłybini dušy mianie ŭzrušyli, tamu što zakranuli ludziej, jakija mnie nieabyjakavyja.
Mnohija maje siabry byli na płoščy (dyj ja taksama moh by apynucca tam, kali b znachodziŭsia ŭ Biełarusi). Adnaho majho pryjaciela mocna źbili, ale jon nie moh źviarnucca pa miedyčnuju dapamohu, tamu što supracoŭniki KDB palavali pa špitalach i vyciahvali ludziej navat z balničnych pałat…
Jašče adzin moj siabar, jakomu byccam by pašancavała viarnucca z płoščy, byŭ u chutkim časie aryštavany i ciapier znachodzicca ŭ SIZA KDB. Heta prahramist Andrej Pratasienia.
Ja paznajomiŭsia z Andrejem dziakujučy jaho bratu, jaki byŭ maim adnahrupnikam u studenckija hady. Andrucha, jak my jaho nazyvali, zaŭsiody byŭ nadzvyčaj lohkim, kantaktnym i vielmi aptymistyčnym čałaviekam. My razam šmat vandravali. Padčas padarožžaŭ było šmat času dla razmovaŭ. Vyśvietliłasia, što ŭ nas šmat ahulnaha, pačynajučy ad pracy ŭ adnoj śfiery (infarmacyjnych technałohij), i zakančvajučy padobnymi žyćciovymi kaštoŭnaściami.My abodva chacieli pabačyć roznyja krainy, kultury, narody, u nas adnolkavyja muzyčnyja husty, nam abodvum blizkaja fiłasofija
My abodva chacieli napoŭnić svajo žyćcio sapraŭdnymi padziejami zamiest prasiedžvańnia pierad ekranami kamputaraŭ u ofisach. Andrej zaŭsiody byŭ na krok napieradzie ad mianie, i ja hetamu zajzdrošču. Jon biez žalu i vahańniaŭ pakinuŭ
Pamiataju, jak vandravali my pa Jeŭropie na aŭtamabili. Za miesiac abjeździli 20 krainaŭ, prajechali kala 15 tysiač kiłamietraŭ. Uražańniaŭ — biezdań!
Andrej zaŭsiody byŭ u dobraj spartovaj formie, ź dziacinstva zajmaŭsia mnohimi vidami sportu.Pačynaŭ z akademičnaha viesłavańnia i ŭschodnich adzinaborstvaŭ. Potym było zachapleńnie płavańniem i
Andreju ŭłaścivaje abvostranaje pačućcio spraviadlivaści. I choć jaho prafiesijnaja karjera była dastatkova paśpiachovaja — škoła z załatym miedalom, fakultet prykładnoj matematyki BDU, vialiki dośvied pracy ŭ salidnaj kamputarnaj firmie dazvalali hladzieć z upeŭnienaściu ŭ budučyniu — ale jon chacieŭ znajści mienavita svajo miesca ŭ žyćci, kab być sapraŭdy karysnym ludziam. Siabry raskazvali, jak Andrej nie raz vioŭ dabračynny zbor srodkaŭ dla dzietak, jakim nieabchodna apieracyja, i pieravodziŭ ich na rachunki, apublikavanyja na navinavych sajtach…
Letaś Andrej kančatkova zrazumieŭ, što płastykavaja karjera prahramista albo menedžara ŭJon syšoŭ z kampanii i pryśviaciŭ volny čas inšaj dziejnaści. U pryvatnaści, zaniaŭsia biezapieracyjnym adnaŭleńniem zroku. Za čas navučańnia vastrynia zroku ŭ jaho istotna źniziłasia, a apošnija niekalki miesiacaŭ jon užo nie karystaŭsia akularami i linzami.IT-śfiery jaho nie vabić.
Ale pakul jahonym maram nie daviałosia zbycca. Amal try miesiacy jon znachodzicca ŭ SIZA. Ale ja vieru ŭ hetaha mocnaha i sumlennaha čałavieka. U jaho ŭsio atrymajecca!
Siabra Andreja Pratasieni Jaŭhien
***
Andrej Pratasienia naradziŭsia 12 śniežnia 1981. Paśla škoły skončyŭ fakultet prykładnoj matematyki Biełdziaržuniviersiteta. Pracavaŭ prahramistam. Zajmaŭsia dabračynnaściu — dapamahaŭ chvorym ludziam źbirać srodki na apieracyi.
U palityčnych partyjach i ruchach nie byŭ da listapada 2010 h., ale za miesiac da padziejaŭ na płoščy Niezaležnaści ŭstupiŭ u šerahi AHP. Byŭ vałancioram u ahitacyjnaj kampanii Jarasłava Ramančuka. 19 śniežnia byŭ na Płoščy, ale pad jaje razhon nie patrapiŭ i syšoŭ dachaty. Zatrymany 9 lutaha 2011 h. pry niavyśvietlenych da kanca abstavinach. Pad viečar taho samaha dnia ŭ domie jaho baćkoŭ prajšoŭ pieratrus, paśla jakoha Andreja aryštavali. Jamu vystaŭlenaje abvinavačańnie pavodle č.2 art. 293 KK — «aktyŭny ŭdzieł u masavych biesparadkach». Pra toje, što hety čałaviek znachodzicca pad vartaj u SIZA KDB i prachodzić pa spravie ab masavych biesparadkach, stała viadoma ad svajakoŭ tolki 16 sakavika.
