Piaty dzień pracesu nad Niaklajevym, Rymašeŭskim, Vaźniakom, Fiadutam, Pałažankaj i Dźmitryjevym pačaŭsia z uračystaha vinšavańnia apošniaha.Andreju Dźmitryjevu 12 maja spoŭniłasia 30 hadoŭ. Paplečniki jaho sustreli z kvietkami jašče pierad budynkam suda, a niepasredna ŭ zali pieršym jaho pavinšavaŭ pasoł Hiermanii spadar Vajl. Pavinšavaŭ i Uładzimir Niaklajeŭ — bukietam kvietak i pramovaj. «Dziakuju tabie, Andreju, za toje što ty zrabiŭ u vybarčym štabie. Heta była adna z najlepšych kampanij, jakija pravodzilisia ŭ Biełarusi», — zajaviŭ jon Dźmitryjevu. Byli taksama padarunki ad Alaksandra Fiaduty — knihi, i ad Nasty Pałažanki.
Śviatočnaja atmaśfiera, jakaja ŭstalavałasia ŭ zale, źnikła adrazu paśla pačatku sudovaha pasiedžańnia. Sudździa adno za druhim adchiliła try chadajnictvy abarony. Spačatku admoviłasia zasłuchać na pracesie pakazańni śviedki abarony Alaksandra Milinkieviča, matyvujučy heta jaho adsutnaściu ŭ budynku suda ŭ dadzieny momant (varta dadać, što bližej abiedu Milinkievič usio ž pryjechaŭ u sud, adnak i tady jamu było admoŭlena. Sudździa paviedamiła, što nieviadoma ŭ jakaści kaho Alaksandr Milinkievič braŭ udzieł u akcyi 19 śniežnia 2010 hoda).
Zatym admoviła ŭ zadavalnieńni chadajnictva U.Niaklajeva, jaki katory ŭžo raz prasiŭ vyklučyć materyjały, datyčnyja pracy kampanii «Havary praŭdu», z kryminalnaj spravy. A ŭ dadatak nie pahadziłasia, kab advakaty začytali pakazańni kiroŭcy mikraaŭtobusa, jaki pieravoziŭ hukaŭzmacnialnuju aparaturu i byŭ spynieny na vulicy Kalektarnaj. Hałoŭny fihurant pracesu ŭspryniaŭ admovu ŭ troch chadajnictvach ŭ štychi.
«Kali vy hetyja materyjały nie dałučycie da spravy, to ja ŭsio, što tut adbyvajecca, budu ličyć niepravamocnym. I nie budu prymać da ŭvahi», — emacyjna zajaviŭ Niaklajeŭ sudździ.
Paśla hetaha praces praciahnuŭsia čytańniem materyjałaŭ spravy. Prakuror Kažeŭnikaŭ čytaŭ nadzvyčaj nievyrazna, čym vyklikaŭ navat zaŭvahu z boku advakataŭ. Što praŭda, nievyraznaść čytańnia kampiensavałasia chutkaściu. Užo praz hadzinu prakuror paprasiŭ u sakratarki čaćviorty tom (za ŭvieś minuły dzień byŭ začytany tolki pieršy tom materyjałaŭ spravy). Manatonny hołas prakurora stamiŭ nie tolki advakataŭ i prysutnych u zale, ale i abvinavačanych. U vyniku jany zanialisia svaimi spravami, zbolšaha čytali knihi i paviedamleńni ŭ telefonach, Andrej Dźmitryjeŭ abnaŭlaŭ naviny z suda ŭ svaim tvitery (darečy, za apošnija dni jaho dadali da svaich siabroŭ bolš za 350 čałaviek). Ale dalej za astatnich zajšoŭ Vital Rymašeŭski — jon vyrašyŭ pierakusić šakaładkaj. Takoha svavolstva sudździa Žukoŭskaja vynieści nie zmahła i pierarvała praces, nakinuŭšysia na Rymašeŭskaha.
«Heta ŭžo pieraŭzychodzić usie miežy. Ja daju vam treciaje papiaredžańnie, apošniaje. Vy možacie być vydaleny z zały da kanca pracesu», — emacyjna zajaviła jana.
Sustaršynia BCHD nie razhubiŭsia i vydaŭ: «Ja nie suprać». Adnak da vydaleńnia padsudnaha z zały nie dajšło. Sudździa zahadała advakatam dyscyplinavać padabaronnych i abviaściła śpiecyjalny pierapynak dla hetaha.
Dalej zvańnie hieroja dnia pieraniaŭ Alaksandr Fiaduta.
Spačatku prakuror pasprabavaŭ začytać razdrukoŭku razmovy A.Fiaduty sa śledčym KDB, jakaja adbyłasia ŭ Amierykancy 24 śniežnia. Razmova mieła pryvatny charaktar i śledčy zahadzia papiaredziŭ Fiadutu, što jana nie budzie vykarystoŭvacca ŭ materyjałach spravy. Taki namier prakurora vyklikaŭ rezkuju reakcyju ŭ advakataŭ i abvinavačanych.
«Heta niesumlenny krok. Ja admaŭlajusia heta ŭsio słuchać. Navat dačytać nie zmoh da kanca — tam rečy intymnaha charaktaru. Kali vy budziecie čytać hetuju papieru, to ja demanstratyŭna zatknu sabie vušy», — zajaviŭ Siarhiej Vaźniak(jon mieŭ mahčymaść aznajomicca sa źmiestam razmovy padčas vyvučeńnia materyjałaŭ spravy). Suprać ahučvańnia pryznańniaŭ Alaksandra Fiaduty vystupiŭ i U.Niaklajeŭ, a taksama advakaty, matyvujučy svoj pratest niezakonnaściu dałučeńnia źmiestu pryvatnaj razmovy da materyjałaŭ spravy. «My ŭsie takija razmovy viali, adnak tolki razmova Fiaduty była dałučanaja da spravy», — paviedamiŭ S.Vaźniak.
Pratesty padziejničali. Sudździa paśla dziesiacichvilinnaha pierapynku vyrašyła prapuścić tekst razmovy Fiaduty sa śledčym u KDB. Adnak dla samoha Fiaduty heta było tolki pačatkam. Nastupnyja paŭtary hadziny sudovaha pasiedžańnia byli pryśviečanyja začytvańniu razdrukovak jaho telefonnych razmovaŭ. Materyjały prasłuchoŭvańnia byli ŭ asnoŭnym datavanyja pieryjadam niepasredna pierad padziejami 19 śniežnia, značnaja častka ź ich była zroblenaja ŭžo paśla źbićcia Niaklajeva. Była tam i znakamitaja ŭžo razmova z žonkaj Uładzimira Niaklajeva Volhaj, kali A.Fiaduta paprasiŭ pieradać «pravadyru, što našy ŭvajšli ŭ Dom urada». Adnak u asnoŭnym razmovy mieli pryvatny charaktar i datyčyli ahulnaviadomych padziej viečara 19 śniežnia. U vyniku spadar Fiaduta navat vystupiŭ z zajavaj.
«Užo vidavočna, što majo zatrymańnie nie było abhruntavana toj infarmacyjaj, jakaja była ŭ śledstva. Liču svajo zatrymańnie niepravamocnym», — zajaviŭ sudździ A.Fiaduta.Sudździa jaho vysłuchała i zaklikała prakurora praciahvać čytańnie materyjałaŭ spravy.
Ahučvańnie telefonnych pieramovaŭ spadara Fiaduty vyjaviła adzin cikavy fakt. Da materyjałaŭ spravy dałučanyja razmovy abvinavačanaha ź vialikaj kolkaściu asobaŭ, a adzin z telefonnych numaroŭ, jaki napiaredadni 19 śniežnia 2010 hodu złučaŭsia z numaram A.Fiaduty, byŭ zarehistravany na pasolstva Šviecyi ŭ Biełarusi. Razdrukoŭka razmovy jaho ŭładalnika z abvinavačanym taksama dałučanaja da spravy. Advakaty źviarnuli uvahu sudździ na heta, adnak ich zaŭvaha nie mieła vynikaŭ.
Paśla abiedziennaha pierapynku byŭ zasłuchany adziny ŝ toj dzień śviedka — Viktar Čarnabaj, jaki staŭ užo 26-m śviedkam, vyklikanym na praces. Viečaram 19 śniežnia jon stajaŭ u ačapleńni DAI na Kastryčnickaj płoščy. Pakazańni Čarnabaja ničym nie adroźnivalisia ad pakazańniaŭ inšych daišnikaŭ. Adzinaj admietnaściu było toje, što Čarnabaj acaniŭ kolkaść pratestoŭcaŭ u 15 tysiač čałaviek.
Rešta dnia prajšła ŭ manatonnym čytańni materyjałaŭ spravy. Pryčym prakuror rabiŭ vidavočnyja pośpiechi što da chutkaści čytańnia. Kali za pałovu
Da kanca pasiedžańnia ŭ čaćvier u zale dasiedzieli tolki siem słuchačoŭ. Nasta Pałažanka navat pažartavała, što ŭ hetym vinavaty A.Dźmitryjeŭ, jaki zanadta padrabiazna i cikava apisvaje ŭsie padziei pracesu ŭ svaim mikrabłohu.
Praces praciahniecca 13 maja, a
