1 vieraśnia zaviaršajecca pieršaja čarha rekanstrukcyi pałaca Pusłoŭskich. Tut, na vysokaj terasie ź vidam na dziasiatki kiłamietraŭ, budzie hatelna-turystyčny kompleks.
Zhodna z płanami, pieršuju čarhu restaŭracyi musiać zdać 31 žniŭnia 2011 h.
Nie bojciesia, heta nie škłopakiety ŭ pałacy. Heta časovaja prybudova, paśla jaje raźbiaruć.
Restaŭracyja Kosaŭskaha pałaca, žnivień 2011 h. U pieršuju čarhu vakoł jaho vysiekli drevy i kustoŭje.
Restaŭracyja Kosaŭskaha pałaca, žnivień 2011 h.
Restaŭracyja pałaca Pusłoŭskich, žnivień 2011 h.
Restaŭracyja pałaca Pusłoŭskich, žnivień 2011 h.
«Mašeka» ŭ Kosavie. Restaŭracyja pałaca Pusłoŭskich, žnivień 2011 h.
Pierakur. Restaŭracyja pałaca Pusłoŭskich, žnivień 2011 h.
Restaŭracyja pałaca Pusłoŭskich, žnivień 2011 h.
Restaŭracyja pałaca Pusłoŭskich, žnivień 2011 h.
Restaŭracyja pałaca Pusłoŭskich, žnivień 2011 h.
Pracy ŭ pałacy nie spyniajuć padarožnikaŭ.
U Kosavie, što ŭ Ivacevickim rajonie, zaviaršajecca pieršaja čarha rekanstrukcyi pałaca Pusłoŭskich. Prynamsi, zhodna z płanami adbycca heta pavinna 31 žniŭnia 2011 hoda. Pieršaja čarha rekanstrukcyi praduhledžvaje adnaŭleńnie krokvaŭ, pierakryćciaŭ i dachu. Zakazčykam vystupaje Ivacevickaje ŭpraŭleńnie kapitalnaha budaŭnictva, padradčykam — AAT «Brestrestaŭracyja».
U kančatkovym vyniku ŭnikalny pomnik architektury XIX st. pieratvorycca ŭ hatelna-turystyčny kompleks. U płanach taksama adnaŭleńnie łandšaftnaha parka.Miascovyja ŭłady spadziajucca, što adnoŭleny pałac pryvabić siudy nie tolki biełarusaŭ, ale i zamiežnikaŭ. Kali dazvolić finansavańnie, skončyć pracy płanujuć u 2015 hodzie.
Adnaŭleńnie pałaca pačalisia ŭ 2008-m, hodam raniej jon byŭ uklučany ŭ Dziaržaŭnuju inviestycyjnuju prahramu. Pa roznych acenkach, na restaŭracyju pomnika spatrebicca da 10 miljonaŭ dalaraŭ ZŠA. Raspracoŭku navukova-prajektnaj dakumientacyi apłaciła JUNIESKA — śpiecyjalnaja kamisija arhanizacyi pryznała historyka-architekturny kompleks u Kosavie pieśpiektyŭnym turystyčnym abjektam mižnarodnaha značeńnia.
Pretencyjozny Kosaŭski pałac byŭ zakładzieny ŭ 1838 hodzie hrafam Kazimiram Pusłoŭskim i jaho synam Vandalinam. Apošni i dabudoŭvaŭ pałac. Aŭtaram prajekta staŭ varšaŭski architektar Francišak Jaščałd. Jahonyja idei ŭvasobili architektar Uładzisłaŭ Markoni i dekaratar Alaksandr Žmurka. Pałac zbudavali ŭ nieahatyčnym styli, u im było bolš za sotniu pamiaškańniaŭ, vieličnyja zały, u adnoj ź jakich padłoha była z patoŭščanaha škła, a pad joj mieściŭsia hihancki akvaryum z ekzatyčnymi rybami.
Vakoł pałaca zakłali łandšaftny park u reniesansnym styli, zachavaŭšy pry hetym stary park Kaściuškaŭ. Ličycca, što mienavita Tadevušu Kaściušku Pusłoŭskija i pryśviacili pabudovu pałaca, uziaŭšy adnačasova šefstva za jahonym rodnym domam u susiedniaj Mieračoŭščynie, na jakuju z pałaca adkryvajecca fantastyčny vid.
Faktyčna, z tych časoŭ siadziba Kaściuškaŭ i pałacava-parkavy ansambl Pusłoŭskich i ŭtvaryli ŭnikalny architekturny kompleks, jaki pieražyŭ za apošnija 170 hod nie adnu lichuju časinu. Paśla zadušeńnia paŭstańnia 1863 hoda pałac pierachodzić da rasijskich mahnataŭ. U hady Pieršaj suśvietnaj vajny jon byŭ razrabavany i častkova razburany. Pry palakach tut mieścilisia administracyjnyja i navučalnyja ŭstanovy. U Druhuju suśvietnuju vajnu, pierad adychodam niemcaŭ savieckija partyzany spalili i dom Kaściuški, i pałac. Paśla vajny tut chacieli zrabić dziciačy dom, ale nie było hrošaj. Pałac patrochu zarastaŭ lesam.
U pačatku 80-ch viadučy śpiecyjalist upraŭleńnia kultury Bresckaha abłvykankama Leanid Nieściarčuk zabiŭ tryvohu: pałac moža chutka razburycca. Jon inicyjavaŭ zvarot abłasnych uładaŭ u Saŭmin BSSR,paśla čaho rabilisia sproby prystasavać pałac to pad hatel, to pad turbazu, ale ŭsio marna. U 90-ja da pałaca pačali pryhladacca nie tolki biełaruskija biznesoŭcy, ale i zamiežniki.
Lehiendy Kosava
Adnosna małady pa histaryčnych mierkach Kosaŭski pałac abros lehiendami. I choć bolšaść ź ich abvierhli śpiecyjalisty, niekatoryja ź ich uražvajuć fantazijaj ich aŭtaraŭ. Naprykład, lehienda pra toje, što pałacy ŭ Kosavie i ŭ Ružanach abjadnoŭvaŭ padziemny chod 25 km udoŭžki. Jana pierahukajecca ź lehiendaj pra isnavańnie padobnaha tunela pamiž Niaśvižam i Mirom. Jak i ŭ vypadku ź niaśvižskaj lehiendaj, pra Pusłoŭskich kažuć, što hraf ciešyŭ hrafiniu katańniami na saniach uletku, vysypaŭšy darohi sollu. I, viadoma, leŭ, jaki ŭnočy razhulvaŭ pa kalidorach i załach, vartujučy pałac ad złodziejaŭ. Bolš sučasnyja pokazki raskazvajuć pra znojdzienyja ŭ razburanym pałacy skarby.
