Načalnik mahiloŭskaj turmy № 4 Alaksandr Łamaza paćvierdziŭ infarmacyju ab etapavańni lidara «Maładoha frontu» Dźmitryja Daškieviča ŭ śledčy izalatar № 2 Viciebska.Pra heta Łamaza paviedamiŭ siońnia aktyvistam mahiloŭskich demakratyčnych arhanizacyj.
Jak raniej paviedamlałasia, siońnia mahiloŭskija aktyvisty prynieśli Daškieviču pieradaču ŭ SIZA Mahilova, jaki raźmieščany na adnoj terytoryi z turmoj № 4. Siudy asudžany palityk byŭ etapavany 19 vieraśnia z papraŭčaj kałonii ŭ Horkach (Mahiloŭskaja vobłaść). Adnak u SIZA im zajavili, što Daškieviča tam niama.
Pavodle słoŭ Łamazy,
Daškieviča z mahiloŭskaha izalatara pieraviali ŭ SIZA № 2 Viciebska niekalki dzion tamu.Łamaza taksama paviedamiŭ, što ŭ SIZA Mahilova asudžany prabyŭ «tranzitam» usiaho 8–9 hadzin, dzie byŭ zabiaśpiečany charčavańniem. Adnak dakładnuju datu znachodžańnia Daškieviča ŭ Mahilovie načalnik turmy nie nazvaŭ.
Jak zaznačyŭ Łamaza,
kancavoha punkta maršrutu pierasyłki Daškieviča jon nie viedaje,pakolki ŭsie papiery na źniavolenaha byli zapiačatany i ŭskryvać ich mohuć tolki ŭ miescy pryznačeńnia, jakoje było ŭkazana źvierchu, — heta značyć u SIZA № 2 Viciebska.
Z papraŭčaj kałonii ŭ Horkach Daškievič byŭ vyviezieny viečaram 19 vieraśnia. Uvieś hety čas svajaki i siabry Daškieviča nie mahli atrymać aficyjnuju infarmacyju ab jaho miescaznachodžańni.
Zarehistravanaja ŭ Čechii mižnarodnaja arhanizacyja «Małady front» źviarnułasia ŭ Hienprakuraturu z prośbaj vyśvietlić miescaznachodžańnie Daškieviča.
0
0
0
0
0
0
