U Biełarusi 7% rodaŭ prypadajuć na dziaŭčat, jakija nie dasiahnuli 16 hadoŭ 11

U Biełarusi siaredni ŭzrost seksualnaha debiutu, pavodle źviestak prajekta Prahramy raźvićcia AAN (PRAAN) i Ahienctva ZŠA pa mižnarodnym raźvićci (USAID) «Zdarovaja siamja», — 14,6 hadoŭ. Kožnaja 13-ja dziaŭčyna pačynaje seksualnaje žyćcio da 14 hadoŭ, kožnaja piataja — da 16 hadoŭ. Bolšaść biełarusak va ŭzroście ad 18 da 21 hoda majuć dośvied seksualnych znosinaŭ.

U Biełarusi, pavodle źviestak ekśpiertnaha savieta adzinaj infarmacyjnaj stratehii pa VIČ/ŚNID, prykładna 69% maładych ludziej vykarystoŭvajuć preziervatyŭ pry kantakcie z vypadkovym partnioram, harmanalnuju kantracepcyju užyvaje kala 28% žančyn repraduktyŭnaha ŭzrostu.

Nielha skazać, jakoj sposab zaściarohi ad niepažadanaj ciažarnaści i infiekcyj, što pieradajucca pałavym šlacham, najlepšy. Padletkam rekamiendujecca vykarystoŭvać preziervatyŭ. Usie astatnija sposaby kantracepcyi indyvidualna padbirajucca hiniekołaham. «Mamam lepš advieści dačku-padletka da lekara i piśmienna abmierkavać pytańni kantracepcyi, čym vyrašać prablemy ź niepažadanaj ciažarnaściu i infiekcyjami», — ličyć prafiesar kafiedry akušerstva i hiniekałohii Biełaruskaj miedycynskaj akademii paśladypłomnaj adukacyi (BiełMAPA) Volha Pierasada.

0

0

0

0

0

0

stv.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH