Pra heta zajaviŭ žurnalistam 5 kastryčnika namieśnik staršyni kamisii pa pravach čałavieka, nacyjanalnych adnosinach i ŚMI Pałaty pradstaŭnikoŭ Anatol Hłaz, kamientujučy pryniatyja parłamientam papraŭki ŭ zakon ab masavych mierapryjemstvach.
Jak paviedamlałasia raniej, pasiadžeńnie, na jakim abmiarkoŭvaŭsia prajekt zakona, prajšło viečaram 3 kastryčnika pry adsutnaści žurnalistaŭ. Pra jaho stała viadoma praz sutki z paviedamleńnia, raźmieščanaha na sajcie nižniaj pałaty.
Na pytańnie, čamu hety zakonaprajekt byŭ pryniaty pry adsutnaści ŚMI, Hłaz, pa sutnaści, tak i nie adkazaŭ. «Prava Pałaty pradstaŭnikoŭ vyznačać adkrytym ci zakrytym źjaŭlajecca paradak razhladu zakonaprajekta», — zajaviŭ jon.
Zhodna z novym zakonam,
arhanizacyja zboru hramadzian, u tym liku z vykarystańniem interneta, ličycca pikietam, jaki pavinien być sankcyjanavany ŭładami,paviedamiŭ Hłaz. Da atrymańnia dazvołu na mierapryjemstva raspaŭsiudžvać infarmacyju ab miescy i časie jaho praviadzieńnia nielha, padkreśliŭ deputat.
Pavodle jaho słoŭ,
padčas dapracoŭki zakonaprajekta paniaćcie «niesankcyjanavanaje dziejańnie abo biaździejańnie» zamieniena na «niesankcyjanavanyja dziei».Na pytańnie žurnalistaŭ, što kankretna aznačaje hetaje paniaćcie, Hłaz adkazaŭ: «Jurysty vyznačać, što heta aznačaje».
zajaviŭ Hłaz.Fłeš-moby ŭ zakonaprajekcie taksama pryraŭnoŭvajucca da masavych mierapryjemstvaŭ, bo miesca i čas jaho praviadzieńnia ahavorvajucca zahadzia,
Što da dziejańniaŭ milicyi padčas masavych mierapryjemstvaŭ, to, pavodle słoŭ deputata, supracoŭniki pravaachoŭnych orhanaŭ mohuć być apranutyja ŭ cyvilnaje, ale pierš čym zatrymlivać čałavieka, jany pavinny nazvacca, ukazać na niezakonnaść udziełu ŭ niesankcyjanavanym mierapryjemstvie i paprasić pakinuć jaho.
Hłaz nie zmoh dać kankretnaha adkazu na pytańnie, ci treba padavać zajaŭki na praviadzieńnie akcyj nakštałt Narodnaha schodu,jaki apazicyja rychtuje na 8 kastryčnika (arhanizatary Narodnaha schodu nie padavali ŭ Minharvykankam zajaŭku na jaho praviadzieńnie, tamu što miascovyja schody nie padpadajuć pad dziejny zakon ab masavych mierapryjemstvach) Adnak ź jaho słoŭ možna zrabić vysnovu, što pa dazvoł da miascovych uład arhanizataram usio ž daviadziecca źviartacca. Pry hetym Hłaz zaznačyŭ, što «
ni tearetyčna, ni praktyčna nabyćcio zakonam mocy da 8 kastryčnika niemahčymaje».
Deputat paviedamiŭ, što zakonaprajekt najpierš skiravany na ŭzmacnieńnie mier pa zabieśpiačeńni biaśpieki hramadzian padčas masavych mierapryjemstvaŭ.
«Uličvajučy vialiki hramadski rezanans, kamisija staranna vyvučyła zakanadaŭčuju bazu krain SND, Jeŭropy i ZŠA. My zrabili vysnovu, što idealnaj kancepcyi ŭmoŭ realizacyi prava na svabodu mierkavańniaŭ nie znojdziena. Naš zakon u pryncypovych padychodach ničym u horšy bok nie vyznačajecca — naadvarot, u płanie adkaznaści jon bolš libieralny», — śćviardžaje Hłaz.
Pry hetym jon zaznačyŭ: sam pa sabie zamiežny vopyt nieadnaznačny, i da jaho treba padychodzić aściarožna. «U kožnaj dziaržavy jość funkcyja, jakuju jana pavinna vykonvać u pieršačarhovym paradku — heta zabieśpiačeńnie biaśpieki hramadzian. Zakonaprajekt skiravany na zachavańnie stabilnaha stvaralnaha stanovišča ŭ krainie», — upeŭnieny deputat.
* **
Uniasieńnie papravak u zakon ab masavych mierapryjemstvach MUS inicyjavała letam, kali pa ŭsioj Biełarusi štotydniova pravodzilisia akcyi maŭklivaha pratestu hramadzian, nie zhodnych z palitykaj kiraŭnictva krainy. U pieršapačatkovym varyjancie zakonaprajekt pryraŭnoŭvaŭ da pikietavańnia navat biaździejańnie, arhanizavanaje ŭ tym liku praź internet dla publičnaha vykazvańnia svaich pohladaŭ.
Raspracoŭka zakonaprajekta vyklikała vialiki hramadski rezanans. Pravaabaroncy i pradstaŭniki apazicyi rascanili papraŭki jak sprobu padvieści jurydyčnuju bazu pad dziejańni pravaachoŭnych orhanaŭ, jakija žorstka razhaniali ŭdzielnikaŭ mirnaha pratestu, a sudy vynosili im abvinavaŭčyja pryhavory, nakładali administracyjnyja štrafy i aryštoŭvali.