Vybitny češski palityk Vacłaŭ Havieł daŭ svaju zhodu dałučycca da Mižnarodnaha kamitetu ŭ padtrymku vyłučeńnia aryštavanaha pravaabaroncy Alesia Bialackaha na Nobieleŭskuju premiju mira 2012 hodu. Były prezident Čechii paviedamiŭ pra svajo rašeńnie dałučycca da Mižnarodnaha kamitetu ŭ liście da Alaksandra Milinkieviča. Lidar Ruchu «Za Svabodu» dasłaŭ adpaviednuju prapanovu Vacłavu Haviełu ad imia inicyjatyŭnaj hrupy.
U svaim liście Vacłaŭ Havieł padkreślivaje, što jon z radaściu dałučajecca da mižnarodnaj inicyjatyvy pa padtrymcy vyłučeńnia Alesia Bialackaha na Nobieleŭskuju premiju mira i što sam u patrebny čas napiša naminacyjny list.
— My vielmi radyja atrymać stanoŭčy adkaz ad lehiendy zmahańnia za svabodu i demakratyju ŭ našym rehijonie, čakajem adkazy jašče ad šerahu inšych znakavych asobaŭ i rychtujem dalejšyja kroki kampanii ŭ padtrymku Alesia Bialackaha, — padkreśliŭ daradca staršyni Ruchu «Za Svabodu» Aleś Łahviniec, jaki razam z Alaksandram Milinkievičam pradstaŭlaje Ruch u inicyjatyŭnaj hrupie.
Aleś Łahviniec nahadaŭ, što ŭ skład Mižnarodnaha arhkamitetu na siońniašni dzień uvachodziać staršynia Maskoŭskaj Chielsinkskaj hrupy Ludmiła Alaksiejeva, prezident Mižnarodnaj fiederacyi pa pravach čałavieka (FIDH) Suchajr Biełchasen, vykanaŭčy dyrektar Fundacyi damoŭ pravoŭ čałavieka Maryja Dale (Narviehija), Staršynia Nacyjanalnaj fundacyi padtrymki demakratyi Karł Hieršman (ZŠA), Staršynia «Frydam Chaus» Devid Krejmier (ZŠA), rektar Jeŭrapiejskaha humanitarnaha ŭniviersitetu Anatol Michajłaŭ, staršynia Rady BNR Ivonka Surviła, deputat Bundestaha Maryłuiza Bek, niamiecki dypłamat
