Hucaryjeŭ ź plamieńnikam zabudujuć Biełaruś 1

U dadatak da biełaruskich nietraŭ ź nieacennym resursam u vyhladzie kalijnych uhnajeńniaŭ rasijski miljarder Michaił Hucaryjeŭ atrymaje ŭ Biełarusi i bolš prazaičny, ale ad hetaha nie mienš cikavy aktyŭ — placoŭki pad zabudovu hatelaŭ i inšaj nieruchomaj majomaści.

Biznesoviec prychodzić na hety rynak razam sa svaim plamieńnikam Michaiłam Šyšchanavym jak saŭładalnik «Mospromstroja» — adnaho z najbujniejšych uładalnikaŭ maskoŭskaj nieruchomaści i fiešenebielnych hatelaŭ.

Pavodle infarmacyi «Ježiednievnika», daččynaje pradpryjemstva kancerna «Mospromstroj» u Biełarusi, ZZAT «Mospromstroj-Otiel», było zarehistravanaje Minharvykankamam jašče ŭ siaredzinie vieraśnia. Na aficyjnym sajcie kampanii praktyčna ŭ toj ža čas, kali Hucaryjeŭ padpisvaŭ ŭ Minsku dakumienty pa kalijnym prajekcie, źjaviłasia paviedamleńnie ab uklučeńni ŭ skład hrupy «Mospromstroj» dźviuch kampanij u Biełarusi — ZZAT «Mospromstroj-Otiel», a taksama TAA «TUKS Inžinirinh».

U maskoŭskaj kampanii nie kamientujuć, jakija prajekty ŭ Biełarusi płanuje realizavać kampanija, što pierajšła hetym letam pad poŭny kantrol dziadźki i plamieńnika. Ale na maskoŭskim rynku nieruchomaści jana viadomaja ŭ pieršuju čarhu budaŭnictvam i zdačaj u arendu mižnarodnych haściničnych sietak fiešenebielnych hatelaŭ. Na dadzieny momant u partfolia «Mospromstroja» ŭvachodziać 3 piacizorkavyja, 1 čatyrochzorkavy i 2 trochzorkavyja hateli pad brendami «Maryjot» i «Cholidej In». Na dumku ekśpiertaŭ, chutčej za ŭsio, vychad biznesu Hucyryjeva i Šyšchanava na biełaruski haściničny rynak źviazany z płanami hetych brendaŭ. A pra toje, što ŭ Biełarusi źjaviacca i «Maryjot», i «Cholidej In», havorycca dosyć daŭno.

Jak ličać ekśpierty «Ježiednievnika», prychod «Mospromstroja» moža pa-sapraŭdnamu ŭskałychnuć biełaruski rynak nieruchomaści. Tolki haściničnym biznesam śfiera jaho dziejnaści nie abmiažujecca. U pryvatnaści, mahčyma, kampanija zojmiecca praciaham prajektaŭ, u jakija tut pačynała inviestavać žonka Łužkova Alena Baturyna. Apierataram pa hetych prajektach u Biełarusi źjaŭlajecca Maskoŭskaja inviestycyjnaja budaŭničaja kampanija. Miarkujučy pa spravazdačy za 2 kvartał 2011 hoda, apublikavanaj Minfinam Biełarusi, jana niasie bujnyja straty.

0

0

0

0

0

0

realty.ej.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH