Apošni lidar kamunistyčnaj Ałbanii Ramiz Ałija pamior u piatnicu na
Ałija staŭ faktyčnym kiraŭnikom krainy ŭ 1985 hodzie, zaniaŭšy pasadu pieršaha sakratara CK Ałbanskaj partyi pracy. Jon źmianiŭ na hetaj pasadzie kryvavaha Enviera Chodžu. Chodža pryznačyŭ Ałiju svaim pierajemnikam jašče pry žyćci, budučy ciažka chvorym.
Ałija spyniŭ u krainie masavyja represii i pravioŭ šyrokuju amnistyju palityčnych źniavolenych.
U 1991 hodzie pracesy demakratyzacyi ŭ Ałbanii stali niezvarotnymi, i ŭ sakaviku ŭ krainie adbylisia pieršyja šmatpartyjnyja parłamienckija vybary. Novy parłamient vybraŭ Ramiza Ałiju pieršym prezidentam postkamunistyčnaj Ałbanii. U krasavika 1992 hoda Ałija dobraachvotna skłaŭ ź siabie prezidenckija paŭnamoctvy.
U 1993 hodzie jon byŭ aryštavany pa abvinavačvańni ŭ złoŭžyvańni słužbovym stanoviščam i prysudžany da dzieviaci hadoŭ turemnaha źniavoleńnia. Praz dva hady apielacyjny sud skaraciŭ termin da troch hadoŭ, a ŭ lipieni 1995 Ałija byŭ vyzvaleny i bolš nie pryciahvaŭsia da adkaznaści.
