Amierykanskaja flejtystka i kampazitar, łaŭreat premii «Hremi» Ronda Łarsan vykanała ŭłasnuju aranžyroŭku biełaruskaj narodnaj miełodyi «Kupalinka» ŭ Biełdziaržfiłarmonii 11 kastryčnika ŭ supravadžeńni hrupy «Vientus» (ZŠA).
Łarsan paviedamiła, što heta adna ź jaje lubimych miełodyj. «Jana vielmi zapaminalnaja i zahadkavaja. Kali ja pačała pracavać ź joj, dni čatyry jana nie vychodziła ŭ mianie z hałavy. Ja praciahvała napiavać jaje i dniom, i nočču — nie słovy, pakolki ja nie razmaŭlaju
Muzykant adznačyła, što nie tolki viedaje miełodyju, ale znajomaja i sa źmiestam «Kupalinki».
Pavodle słoŭ Łarsan, joj padabajecca muzyka roznych narodaŭ, ale bolš za ŭsio kielckaja. Jana adznačyła rolu, jakuju muzyka moža syhrać u abjadnańni ludziej. «Muzyka spyniaje hutarki, i kožnamu dajecca štości stanoŭčaje. Siońnia tut siadzieła cełaja zała ludziej z roznymi mierkavańniami pra ŭsio na śviecie, i my ŭsie zaradzilisia adnolkava — adnolkava, ale
Łarsan saliruje na roznych flejtach, a ŭ jaje muzycy vykarystanyja elemienty miełodyj z roznych krain śvietu, matyvy džazavaj, kłasičnaj i kielckaj muzyki. Vystupleńnie Łarsan i «Vientusa» sabrała poŭnuju Vialikuju zału Biełdziaržfiłarmonii.
Flejtystka adznačyła, što palubiła Biełaruś u pieršy pryjezd dziesiać hadoŭ tamu. 12 kastryčnika jana płanuje adpravicca ŭ Mahiloŭ, kab sustrecca sa studentami. Akramia taho, Łarsan paviedamiła, što chacieła b ubačyć biełaruskija lasy.
