Vitaŭt i Jahajła ŭ Histaryčnym muziei

Partretnyja skulptury vialikaha kniazia Vialikaha kniastva Litoŭskaha Vitaŭta i polskaha karala Jahajły zmohuć ubačyć minčanie i hości biełaruskaj stalicy ŭ Nacyjanalnym histaryčnym muziei Biełarusi. Šyrokaj aŭdytoryi fihury buduć pradstaŭleny z 25 kastryčnika pa 3 listapada.

Uračystaja prezientacyja fihur kniazia Vitaŭta i karala Jahajły projdzie ŭ muziei 24 kastryčnika. Prajekt realizavany dziakujučy finansavaj padtrymcy kampanii Japan Tobacco International (JTI), adznačyli ŭ muziei.

Fihury vykananyja ŭ poŭny rost. Vobraz dziaržaŭnych dziejačaŭ adnoŭleny na padstavie dbajnaha vyvučeńnia histaryčnych krynic i ikanahrafii. Pry partretnym uvasableńni i rekanstrukcyi kaściumaŭ zadačaj mastakoŭ było maksimalna nablizicca da histaryčnych realij. Vobraz Vitaŭta adnoŭleny na asnovie malunka z asabistaj piačatki kniazia, minijaciury pačatku XVI stahodździa i hraviury z knihi Hvańjini 1578-ha. Za asnovu partreta Jahajły ŭziataja vyjava z nadmahilla karala, adzieńnie ŭznoŭlenaje pa vyjavie ź ikony «Pakłanieńnie troch karaloŭ».

Partretnyja skulptury zrabili siabry Biełaruskaha sajuza mastakoŭ Pavieł Łuk i Juryj Piskun. Pavieł Łuk stvaryŭ šerah skulptur na histaryčnuju tematyku: «Emilija Plater», «Kastuś Kalinoŭski», «Francysk Skaryna». Juryj Piskun pracuje ŭ roznych žanrach stankovaha žyvapisu, u dekaratyŭna-prykładnym mastactvie. U apošnija hady mastak vykanaŭ rekanstrukcyju histaryčnych kaściumaŭ dla Mirskaha i Niaśvižskaha zamkaŭ.

Fihury Vitaŭta i Jahajły zojmuć hanarovaje miesca ŭ załach muzieja, pryśviečanych siaredniaviečnaj historyi Biełarusi.

0

0

0

0

0

0

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH