Šviejcarskija elektryčki ciapier kursujuć da Bresta i Baranavičaŭ 3

Rehularny ruch elektraciahnikoŭ vytvorčaści šviejcarskaj kampanii Stadler na rehijanalnych linijach pa maršrutach Brest — Baranavičy i Baranavičy — Minsk adkryŭsia 19 listapada.

U pieršy rejs z Bresta da Baranavičaŭ elektraciahnik adpraviŭsia ŭ 12.43 sa stancyi Brest-Centralny.

Z hetaj nahody na stancyi ŭ Breście adbyłasia ŭračystaja cyrymonija, u jakoj uziali ŭdzieł načalnik Biełaruskaj čyhunki Anatol Sivak, ministr transpartu i kamunikacyj Ivan Ščerba, kiraŭnictva Bresckaj vobłaści i Bresta.

Jak raskazaŭ žurnalistam Anatol Sivak,

na hetym etapie hetyja maršruty budzie absłuhoŭvać adzin sastaŭ.

«U pierśpiektyvie — niekalki. Niejki budzie pracavać tolki na Brest, niejki tolki ad Baranavičaŭ da Minska, — dadaŭ Sivak. — Sioleta ŭ našu krainu budzie pastaŭleny jašče adzin elektraciahnik dla rehijanalnych linij biźnies-kłasa. U nastupnym — jašče čatyry. Ciapier elektraciahnik budzie kursiravać raz na dzień ź Minska da Baranavičaŭ i nazad. I adzin raz na dzień z Baranavičaŭ da Bresta i nazad. Zatym — čaściej».

Na cyrymonii adznačałasia, što ŭpieršyniu ŭ Biełarusi ŭ miežach rehijonaŭ pasažyraŭ buduć pieravozić sučasnyja elektraciahniki jeŭrapiejskaha ŭzroŭniu, a pačatak ruchu elektraciahnikoŭ rehijanalnych linij biźnies-kłasa źjaŭlajecca čarhovym etapam realizacyi novaha farmatu pasažyrskich pieravozak, ukaranieńnie jakoha BČ pačała ŭ 2010 hodzie.

Dapoŭnim, što elektraciahnik rehijanalnych linij składajecca z čatyroch vahonaŭ, raźličanych na 210 pasažyraŭ.

U znosinach Brest — Baranavičy praduhledžany try prypynki (Žabinka, Biaroza-Horad, Ivacevičy), u znosinach Minsk — Baranavičy — dźvie (Kojdanava i Stoŭbcy).

Čas adpraŭleńnia elektraciahnika z Baranavičaŭ — 10.12, prybyćcia na stancyju Brest-Centralny — 12.09.

Z Bresta ŭ Baranavičy elektryčka budzie adpraŭlacca ŭ 12.43, prybyvać — u 14.39.

Čas adpraŭleńnia elektraciahnika z Baranavičaŭ da Minska — 15.33, prybyćcia na stancyju Minsk-Pasažyrski — 17.05.

Ź Minska elektraciahnik budzie adpraŭlacca ŭ 8.25 i prybyvać na stancyju Baranavičy-Paleskija ŭ 9.57.

Košt prajezdu na elektraciahnikach rehijanalnych linij biźnies-kłasa adpaviadaje koštu prajezdu ŭ ahulnych vahonach chutkich ciahnikoŭ, jakija kursirujuć pa hetych maršrutach.

U vieraśni 2011 hoda BČ adkryła rehularny ruch elektraciahnikoŭ haradskich linij pa maršrucie Minsk-Pasažyrski — Biełaruś. U kastryčniku elektraciahniki haradskich linij (ECH) pačali kursiravać u testavym režymie pa maršrucie Minsk — Kaladzičy — Rudziensk.

Łarysa Šyhanava, BiełaPAN.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH